| e-texts navigator |
| Wylie |
66b1 ཆུབ་སེམས་ཀྱིས་ནི། ། བསྙེན་པ་ཉེ་བར་བསྙེན་པ་དང་།། སྒྲུབ་པ་སྒྲུབ་པ་ཆེན་པོ་ཡི།། ཁྱད་པར་རིམ་པ་རྟགས་དང་དུས།། ལས་ལ་སྦྱར་བ་ཤེས་པར་བྱ།། ཇི་སྲིད་ལས་ཀྱི་སྦྱོར་བ་ཡིས།།
66b2 མགོན་པོ་འཁོར་བཅས་མཉེས་གྱུར་ན།། ལས་དང་དངོས་གྲུབ་སྣ་ཚོགས་པ།། མྱུར་དུ་འགྲུབ་པར་ཐེ་ཚོམ་མེད།། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། གསང་བ་མངོན
66b3 པར་བྱང་ཆུབ་པའི་ལེའུ་སྟེ་དང་པོའོ། ། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱིས། བཅོམ་ལྡན་འདས་རྗེ
66b4 རྗེ་འཛིན་པའི་གསུང་རྨི་ལམ་ལྟ་བུར་ཉེ་བར་གསན་ཏེ་གསུང་རྡོ་རྗེའི་ཚིག་འདི་གསུངས་སོ། ། རྡོ་རྗེ་འཛིན་པ་གང་ཞིག་གིས།། སྒྱུ་མ་བྲག་ཆའི་སྒྲ་བརྙན་ལྟར།། ཡིད་འོང་དབེན་པའི་གནས་ངག་ཏུ།།
66b5 དངོས་གྲུབ་ཐམས་ཅད་བསྡུས་པ་སྒྲུབ།། བསྐལ་པ་བཟང་པོ་འདི་ལ་ནི།། བྱུང་བའི་མགོན་པོ་མ་ལུས་པ།། ཀུན་གྱི་སྙིང་པོར་གྱུར་པ་ནི།། གསང་བ་ཞིང་སྐྱོང་མགོན་པོ་ཆེ།། སངས་རྒྱས་ཀུན་གྱི
66b6 མགོན་པོ་འདིས། ། བསྟན་པ་བསྲུང་བར་མཛད་པ་ཡིན།། ཞེས་གསུངས་སོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་སོགས་པ་དང་། རྡོ་རྗེ་འཛིན་པ་ལ་སོག
66b7 པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གང་དུ་རྡོ་རྗེའི་ཐེག་པ་ཆེ།། གསང་བ་བསྡུས་པའི་ཡང་དག་ལམ།། སངས་རྒྱས་བསྟན་པ་སྲུང་བྱེད་པའི།། སྙིང་པོ་འབྲས་བུ་ལམ
iiif viewer powered by OpenSeadragon
