| e-texts navigator |
| Wylie |
66a1 ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ནི་མཚན་ཉིད་མེད།། ཁམས་གསུམ་པོ་ནི་མ་ལུས་པ།། འགྲོ་ཀུན་སྒྱུ་མ་ལྟ་བུ་ཡིན།། བརྟན་པ་དང་ནི་གཡོ་བ་ཡིས།།
66a2 འགྲོ་བ་དམིགས་སུ་མེད་པ་སྟེ།། མཐོང་བ་དང་ནི་ཐོས་ལ་སོགས།། ཐམས་ཅད་སྒྱུ་མ་ལྟ་བུར་འཆར།། གང་གིས་སྐྱེ་བོ་འཆིང་གྱུར་པ།། དེ་ཉིད་ཡོངས་ཤེས་རྣམ་པར་གྲོལ།། ཕྱག་རྒྱའི་སྦྱོར་བ་འདི
66a3 ཡིས་ནི། ། ས་གསུམ་བདེ་བ་ཆེན་པོར་བསྒྱུར།། ཉོན་མོངས་མེད་ན་ཡེ་ཤེས་མེད།། ཉན་རང་བྱང་ཆུབ་ལམ་ལས་རིང་།། ཕུང་པོ་ཁམས་དང་སྐྱེ་མཆེད་དང་།། འབྱུང་བ་བཞི་ལ་སོགས་པ་རྣམས།།
66a4 ཐམས་ཅད་གདོད་ནས་དག་པ་ཡི།། ཡེ་ཤེས་ཆེན་པོའི་བྱིན་རླབས་ཀྱིས།། དངོས་པོ་དུ་མ་གསལ་བར་སྣང་།། ཡེ་ཤེས་མེད་པར་སྐྱེ་མི་འགྱུར།། སངས་རྒྱས་ཡེ་ཤེས་ཀྱིས་རབ་བསྐུལ།། དེ་བ
66a5 བླ་མེད་རྒྱུད་འདི་རུ། ། འབད་དེ་དད་པ་བསྐྱེད་པར་བྱ།། གསང་བའི་སྡོམ་པ་བླ་ན་མེད།། དང་པོ་བླ་མའི་དམ་ཚིག་དག། ཐོབ་པས་རྒྱུ་དང་འབྲས་བུ་འབྱུང་།། སྐུ་གསུང་ཐུགས་ཀྱི་རང་བཞིན་ཏེ།།
66a6 བརྟན་པ་དག་ནི་ལོངས་སྤྱོད་ཡིན།། ངེས་པར་བརྟན་པ་མྱ་ངན་འདའ།། རྣལ་འབྱོར་གྱི་ནི་དམ་ཚིག་གནས།། བརྡ་ཡི་སྦྱོར་བ་གསང་བ་དང་།། དབང་བསྐུར་བས་ནི་དངོས་གྲུབ་སྟེ།། བླ་མ་དེ་བཞིན
66a7 གཤེགས་པ་དང་། ། རྒྱལ་བ་བྱང་ཆུབ་སེམས་དཔར་བཅས།། དཀྱིལ་འཁོར་ནག་པོ་བླ་ར་མེད།། སྔགས་པ་གསང་པོ་འདིར་ཞུགས་གང་།། ཡང་དག་བླ་མ་བསྟེན་པར་བྱ།། འདིར་ནི་བྱང
iiif viewer powered by OpenSeadragon
