| e-texts navigator |
| Wylie |
65b1 པར་སྤྱོད་བྱེད་ཅིང་། ། སྙིང་རྗེས་དོན་བརྩོན་སེམས་ཀྱིས་ནི།། དཔའ་བོས་སྲིད་པ་སྦྱོང་བར་མཛད།། སྣ་ཚོགས་གཟུགས་ཅན་ནོར་བུ་བཞིན།། འདི་ནི་རྒྱུད་རྣམས་ཀུན་ཏུ་ཡང་།། ཀླ་ཀློའི་སྐང
65b2 ཀྱིས་སྦས་པ་སྟེ། ། འཁོར་བའི་སྡུག་བསྔལ་འཇོམས་པ་པོ།། རྡོ་རྗེ་སེམས་དཔའ་མཉམ་གྱུར་པའི།། རྡོ་རྗེ་སློབ་དཔོན་བདག་ཉིད་ཆེ།། མྱུར་དུ་དངོས་གྲུབ་སྡེར་བྱེད་པ།། འཕྲལ་དུ་ཡང་དག
65b3 ཡིད་ཆེས་བྱེད། ། བསམ་པ་གང་དང་གང་དག་གིས།། མི་རྣམས་སེམས་དང་མཐུན་པར་འཇུག། དེ་དང་དེ་ཡི་གཟུགས་སྤྲུལ་ཏེ།། སྣ་ཚོགས་གཡོགས་ཏེ་བདེ་བར་བཞུགས།། དེ་ཕྱིར་འབད
65b4 པ་དུ་མ་ཡིས། ། སྣ་ཚོགས་ཚུལ་གྱིས་མཐུན་པར་བྱ།། བདག་ཉིད་སངས་རྒྱས་ཧེ་རུ་ཀ། དཔའ་བོ་རྣལ་འབྱོར་མ་ཚོགས་ཅན།། རང་གི་ལྷ་ཡི་རབ་སྦྱོར་བས།། བདག་ཉིད་ཡེ་ཤེས་མཆོག་འགྲུབ
65b5 འགྱུར། ། འདི་ཡིས་རྒྱལ་བ་རྒྱ་མཚོ་དང་།། དཀྱིལ་འཁོར་པ་དང་ཞིང་སྐྱོང་ཚོགས།། གདོད་ནས་གྲུབ་པའི་དུར་ཁྲོད་གནས།། མཁའ་འགྲོའི་དབང་ཕྱུག་མགོན་པོ་ཆེ།། སྐུ་གསུང་ཐུགས་དང
65b6 འཕྲིན་ལས་ཚོགས། ། ཡེ་ཤེས་ཡོན་ཏན་རིགས་ཀྱི་ལྷ།། ནག་པོ་ཆེན་པོ་འཁོར་དང་བཅས།། ལྷ་མོ་ཆེན་མོ་བཀའ་འབངས་བཅས།། རྡོ་རྗེ་འཛིན་པས་དུས་ཀུན་ཏུ།། སྒྱུ་མ་ལྟ་བུའི་ཏིང་འཛིན
65b7 གྱིས། ། ཕྱི་ནང་གསང་བའི་མགོན་པོ་ཆེ།། བདེ་བ་ཆེན་པོའི་རོལ་པ་ཡིས།། ཡེ་ཤེས་གསང་བ་བསམ་མི་ཁྱབ།། ཚེ་འདི་ཉིད་དུ་འགྲུབ་འགྱུར་ཞེས།། བཅོམ་ལྡན་རྡོ་རྗེ་ཅན་གྱིས་གསུངས།
iiif viewer powered by OpenSeadragon
