| e-texts navigator |
| Wylie |
63b1 དང་མཉམ་པའི་རྒྱུད་ལས། བསྐྱེད་པའི་རིམ་པའི་དུམ་བུ་སྟེ་ལེའུ་དང་པོའོ།། ། རྡོ་རྗེ་སྙིང་པོས་གསོལ་པ། བཅོམ་ལྡན་འདས་རང་བཞིན་གྱིས་རྣམ་པར་དག་པ་གང་ལགས
63b2 ངོ་བོ་ཉིད་ཀྱིས་འོད་གསལ་བ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ།། བརྟན་དང་གཡོ་བ་ཐམས་ཅད་ཀུན།། ཤེས་རབ་རང་བཞིན་མ་ཉིད་དེ།། ལྔ་པའི་ངོ་བོ་འོད་གསལ་ཉིད
63b3 མ་སྐྱེས་རྟོག་པ་བྲལ་བའི་སྐུ། ། བརྗོད་དུ་མེད་ཅིང་བསམ་མི་ཁྱབ།། བརྟག་ཏུ་མེད་པ་ནམ་མཁའི་དབུས།། གཉིས་མེད་བདེ་བའི་རྣམ་པ་ཅན།། གསལ་བའི་རང་བཞིན་གཡོ་བ་མེད།། གཉིས་སུ་མེད
63b4 པ་བདེ་བའི་མཆོག། འབྲས་བུ་ལམ་གྱི་རྣམ་པའོ།། དཔལ་བདེ་མཆོག་ནམ་མཁའ་དང་མཉམ་པའི་རྒྱུད་ལས། རྫོགས་པའི་རིམ་པའི་དུམ་བུ་སྟེ་ལེའུ་གཉིས་པའོ།། རྡོ
63b5 སྙིང་པོས་གསོལ་པ། བཅོམ་ལྡན་འདས་རྣམ་པར་རྟོག་པ་རྣམ་པར་དག་པ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ།། སྔགས་དང་སྦྱིན་སྲེག་གཏོར་མ་དང་།། དབང་གི་རྣམ་པར་དག
63b6 པ་དང་། ། མཎྜལ་དང་ནི་དེ་བཞིན་དུ།། བུམ་པའི་ངོ་བོ་ལྟར་ཤེས་པ།། སྔགས་ཀྱི་དེ་བཞིན་ཉིད་གནས་པའོ།། རྡོ་རྗེ་སྙིང་པོས་གསོལ་པ། བཅོམ་ལྡན་འདས་སྔགས་ནི་གང་། སྦྱིན་སྲེག་ནི་གང
63b7 གཏོར་མ་ནི་གང་། དབང་ནི་གང་། མཎྜལ་ནི་གང་། བུམ་པ་ནི་གང་། སྔགས་ཀྱི་དེ་བཞིན་ཉིད་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ།། སྔགས་ནི་གསང་སྔགས་རྒྱལ་པོ་རྗེ།
iiif viewer powered by OpenSeadragon
