| e-texts navigator |
| Wylie |
63a1 བཅོམ་ལྡན་འདས་ཀྱིས་བཀའ་སྩལ་པ། དམིགས་པ་མེད་པ་སྙིང་རྗེའི་མཆོག། དགའ་བ་གཉིས་མེད་བདེ་བ་ཆེ།། ཐབས་ནི་ཧེ་རུ་ཀ་དཔལ་ཉིད།། ཤེས་རབ་རྡོ་རྗེ་རྣལ
63a2 འབྱོར་མ། ། གཉིས་སུ་མེད་པ་ཟུང་འཇུག་མཆོག། རྡོ་རྗེ་སྙིང་པོས་གསོལ་པ། བཅོམ་ལྡན་འདས་ཧེ་རུ་ཀ་ནི་གང་ལགས། རྣལ་འབྱོར་མ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ།
63a3 ཧེ་རུ་ཀ་ནི་ཕུང་པོ་ཉིད།། ཕུང་པོ་ཡང་ནི་ཧེ་རུ་ཀ། ཁམས་ནི་རྡོ་རྗེ་མ་དཔལ་ཏེ།། རྡོ་རྗེ་མ་དཔལ་ཁམས་ཉིད་།། སྐྱེ་མཆེད་དེ་ཡང་དེ་བཞིན་དུ།། ལྷ་ཡི་ངོ་བོར་ཤེས་པར་བྱ།། རྡོ་རྗེ་སྙིང་པོས་གསོལ་པ།།
63a4 བཅོམ་ལྡན་འདས་ཕུང་པོའི་ཧེ་རུ་ཀ་གང་ལགས། ཁམས་ཀྱི་རྡོ་རྗེ་རྣལ་འབྱོར་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ།། ཧེ་རུ་ཀ་དཔལ་བདག་ཉིད་དངོས།། དྲི་མ་མེད་པའི་ཁ་དོག
63a5 ཅན། རྡོ་རྗེ་དྲིལ་བུ་འཛིན་པ་སྟེ།། དྲུག་གིས་བརྒྱན་ཅིང་དགུ་དང་ལྡན།། ཟླ་ཚེས་སྣ་ཚོགས་རྡོ་རྗེ་དང་།། རིགས་ཀྱི་བདག་པོས་རྣམ་པར་བརྒྱན།། སྤྱན་གསུམ་དག་གིས་མཛེས་པ་སྟེ།། ཆགས་པ
63a6 མེད་པའི་ཤམ་ཐབས་ཅན། ། ཤེས་རབ་རང་བཞིན་རྣལ་འབྱོར་མ།། བནྡུ་རཱ་ཀའི་ཁ་དོག་ཅན།། གཅེར་བུ་ཕྱག་རྒྱ་ལྔས་བརྒྱན་ཅིང་།། དག་པ་ལྔ་བཅུའི་འཕྲེང་བས་མཛེས།། རྡོ་རྗེ་པདྨའི་སྣོད
63a7 བསྣམས་པ། ། ཡབ་ལ་འཁྱུད་ཅིང་བརྐྱང་བསྐུམ་བཞུགས།། གཉིས་མེད་བདེ་བ་ལ་དགྱེས་པ།། ཆུ་སྐྱེས་ཉི་མའི་དབུས་ན་འགྱིང་།། ཁམས་ཉིད་ཀྱང་ནི་ལྷ་ཉིད་དོ།། དཔལ་བདེ་མཆོག་ནམ་མཁའ
iiif viewer powered by OpenSeadragon
