| e-texts navigator |
| Wylie |
59b1 རྙོག་མེད་རབ་ཏུ་བཤད་པར་བྱ།། སྣང་བ་མེད་ཅིང་དཔེ་མེད་པ།། ཚིག་གི་ཡུལ་ལས་རྣམ་པར་འདས།། ཞི་ཞིང་བདག་མེད་དག་པ་ཉིད།། མཚན་མེད་མཚན་གཞི་རྣམ་པར་སྤངས།། ངང་གིས
59b2 སངས་རྒྱས་འདི་ཉིད་ཚུལ། ། ཁྱད་པར་དུ་ཡང་མདོར་བསྡུས་པས།། བདག་གིས་གསལ་བར་བཤད་པ་ཡིན།། རྨོངས་པ་རྣམས་ལ་ཕན་འདོད་པས།། སྙིང་རྗེས་འདི་ནི་བསྟན་པ་ཡིན།། ཁ་ཅིག།
59b3 སྟོང་པར་འདོད་པ་དང་།། ཁ་ཅིག་ཐིག་ལེའི་གཟུགས་ཅན་དང་།། ཁ་ཅིག་ཁྱབ་འཇུག་ཚུལ་གྱིས་ནི།། བློ་དམན་དག་ནི་འཇོག་པར་བྱེད།། དེ་ཉིད་ངེས་པར་ཡང་དག་པར།། རྒྱུ་ཡི་གནས་ཀྱི་སྤྱོད
59b4 ཡུལ་ཉིད། ། རྒྱུ་དང་འབྲས་བུ་མ་གྲུབ་ན།། བསྒོམས་པ་མེད་ཅིང་བྱང་ཆུབ་མེད།། རྒྱུ་ཡི་ཡིད་ཆེས་སྤངས་པ་འདི།། ཐོག་མ་ཐ་མ་མེད་པའི་བདག། སྒྱུ་མའི་ཡེ་ཤེས་ལས་བྱུང་བ།། རྣམ་པ་སྣ་ཚོགས
59b5 སྟོན་པར་བྱེད། ། ཁ་ཅིག་དྲག་པོའི་རང་བཞིན་དུ།། ཁ་ཅིག་ཞི་བ་ཆེན་པོ་ཆེ།། ཁ་ཅིག་ཕྱག་རྒྱའི་རང་བཞིན་གཟུགས།། ཁ་ཅིག་འདར་ཞིང་གཡོ་བ་དང་།། གླུ་གར་དེ་བཞིན་སིལ་སྙན་དང་།། ལྷ་ཡི།
59b6 སྔགས་ནི་བརྗོད་པ་ཉིད།། ཁ་ཅིག་སྔགས་ནི་ཡང་དག་དགོད།། ཁ་ཅིག་དཀྱིལ་འཁོར་བྲི་བ་དང་།། དབང་ལ་སོགས་པ་བརྟག་པ་དང་།། འབྱུང་དང་འབྱུང་ལས་གྱུར་པའི་ལུས།། དེ་ལྟར་ལ
59b7 སོགས་མཐའ་ཡས་མཆོག། སངས་རྒྱས་ལ་སོགས་རྡོ་རྗེ་བརྟགས།། གང་ཚེ་སེམས་ནི་ལེགས་གནས་པ།། དེ་བཞིན་ཉིད་ཀྱི་སྤྱོད་ཡུལ་ཉིད།། དཀྱིལ་འཁོར་དེ་ཉིད་འགྱུར་བ་ནི།། ཕན་འདོད
iiif viewer powered by OpenSeadragon
