| e-texts navigator |
| Wylie |
58a1 བལྟས་ཏེ། ། ཨཱ་ལི་ཀཱ་ལིས་ལུས་བསྲུངས་ལ།། དཔའ་བོའི་འཁོར་ལོ་བསྒོམ་པར་བྱ།། སྨིན་པར་བྱེད་པ་དབང་བཞི་ལ།། གྲོལ་བ་བསྐྱེད་རྫོགས་གཉིས་ཀྱི་ལམ།
58a2 ལམ་གཉིས་ལ་ནི་བརྟེན་ནས་སུ།། སྔགས་པས་བྱང་ཆུབ་བསྒྲུབ་པར་བྱ།། བུམ་པས་ལུས་ཀྱི་དྲི་མ་འཁྲུད།། གསང་བས་ངག་གི་དྲི་མ་འཁྲུད།། གསུམ་པས་སེམས་ཀྱི་དྲི་མ་སྟེ།། དེ་ནི་ཀུན་ཏུ
58a3 བརྟགས་པ་ལ། ། ལྷན་ཅིག་སྐྱེས་པའི་མ་རིག་པ།། བཀྲུ་བའི་ཕྱིར་ན་བཞི་པ་བཤད།། གནས་དང་ལྡང་བ་ཉིད་དང་ནི།། འཇུག་དང་ཡོངས་སུ་རྫོགས་པ་དང་།། བྱིན་གྱིས་བརླབ་དང་དབང་བསྐུར
58a4 དང་། ། ཏིང་འཛིན་མཆོད་པ་བསྐྱེད་རིམ་ལ།། ཉེ་བར་བསྡུ་བ་རྫོགས་པའི་རིམ།། རིམ་གཉིས་མཉམ་པར་གནས་ནས་སུ།། རྡོ་རྗེ་ཅན་གྱིས་ཆོས་འཆད་དོ།། སྟོང་པ་མངོན་གྱུར་ཆོས་སྐུ་ལ།།
58a5 མཚན་དཔེ་བདེ་བ་ལོངས་སྤྱོད་སྐུ།། རོལ་པའི་མཛད་པ་སྤྲུལ་སྐུ་ལ།། སྐུ་གསུམ་དབྱེར་མེད་བདེ་ཆེན་དང་།། ལྷ་མོས་གསོལ་པ་བཅོམ་ལྡན་འདས།། གང་གིས་བསྒྲུབས་ན་འགྲུབ་པར་འགྱུར།།
58a6 གང་ལ་བར་ཆད་འབྱུང་བར་འགྱུར།། བཅོམ་ལྡན་འདས་ཀྱིས་བཀའ་སྩལ་པ།། འཁོར་བས་སྒོ་ནས་སྡོམ་གསུམ་ལྡན།། ཐོས་ཚེ་དང་ལྡན་མཚན་ཉིད་བཟང་།། དབེན་པར་དཀྱིལ་འཁོར་བྲིས་སྨྲ
58a7 བཅད། ། ཆོས་གོས་གྱོན་ལ་བདུད་རྩི་སྤྱད།། ཐུན་བཞིར་བསྒྲུབས་ན་འགྲུབ་པར་འགྱུར།། ཞེན་པ་ཆེ་བའི་རྣལ་འབྱོར་ལ།། འབྲས་བུའི་བར་ཆད་འབྱུང་བར་འགྱུར།། གཡེང་བ་ཆེ་བའི་རྣལ
iiif viewer powered by OpenSeadragon
