| e-texts navigator |
| Wylie |
4a1 དེ་དག་ཀུན་གྱི་བྱེ་བྲག་ཀྱང་།། དཔའ་བོས་གཡས་དང་གཞན་གྱིས་གཡོན།། དེ་བཞིན་ཀུན་ལ་སྦྱར་བར་བྱ།། གཞན་ཡང་གཟུང་བའི་བྱེ་བྲག་ཀྱང་།། དྲིལ་ཅན་བུ་གུ་དགུ
4a2 ལམ་གྱི། ། རླུང་རྒྱུ་ཕྱི་རུ་བུས་བྱས་ཏེ།། རྐང་ལག་དྲུག་ཏུ་བསྒྲིམས་བྱས་ན།། ཟིན་པར་འདི་ལ་ཐེ་ཙོམ་མེད།། དཔའ་བོ་མཁའ་འགྲོ་མ་གཉིས་ཀྱིས།། ཐུན་མོང་དུ་ནི་བྱ་བར་གསུངས།། བཻ་རོ་ཙ་ན་ལས
4a3 ཀྱི་རླུང་། ། གཞན་ཡང་ལམ་བརྒྱད་རླུང་རྣམས་དག། དང་པོ་ཉིད་དུ་བསྡམས་བྱས་ན།། ཟིན་པར་འདི་ལ་ཐེ་ཙོམ་མེད།། དབྱེ་བ་བསྡམས་པའི་མན་ངག་གོ།། བྱེད་པ་སྤེལ་མར་སོས་གྱུར་ན།། མི་ཟིན་པ་ལ
4a4 ཐེ་ཙོམ་མེད། ། གནས་གསུམ་དག་ཏུ་ཀླུ་བསམས་ཏེ།། དབུགས་གསུམ་པ་ཡིས་ཡར་དྲངས་ཏེ།། ལྟེ་བའི་གྱེན་ལ་དྲངས་ཀྱང་ཟིན།། འདི་ནི་གང་ཟག་མཆོག་གི་ས་ཡིན།། མཛེས་པའི་སྤྱི་བོ་དེ་ཉིད་ལ།
4a5 གྱེན་དུ་བཀན་དང་ཐུར་དུ་བཀན།། དྲང་པོར་གཡས་གཡོན་བཅན་ཐབས་ལ།། ཀ་ཏིའི་གཟེར་ནི་བཙན་ཐབས་གཅིག། སྦོམ་པོ་ཁྲོ་མོས་མནན་པ་སྟེ།། བླ་མའི་ཞལ་ནས་མ་བླངས་ན།། ལུས་ཀྱི་ནང་གཞི
4a6 ཀུན་ནས་སྐྱེ། ། ཆུ་སྐྱེས་ཆུ་སོ་སྐྲངས་ལ་སོགས།། ལུས་སྨད་ནད་སྣ་ཉི་ཤུ་འབྱུང་།། གཞན་ཡང་བཙན་ཐབས་བཅུ་གཉིས་ནི།། བླ་མའི་ཞལ་ནས་ཤེས་པར་བྱ།། བླ་མ་མཉེས་པར་བྱ་བའི་ཕྱིར།། ལུས
4a7 སྲོག་ལོངས་སྤྱོད་ཐམས་ཅད་ཀྱིས། ། དུས་གསུམ་མཎྜལ་དང་བཅས་མཆོད།། ལུས་སྲོག་གཏང་བར་འཕངས་པ་བས།། མན་ངག་དམ་པ་དེ་བས་འཕངས།། དེ་བས་བཙན་ཐབས་ལེགས་པར་སྭ།
iiif viewer powered by OpenSeadragon
