| e-texts navigator |
| Wylie |
35a1 གཞན་རྣམས་རྩ་རེ་མཁའ་འགྲོ་རེ།། བཅུ་གཉིས་བཅུ་བཞི་མགྲིན་པར་གནས།། རྡོ་རྗེ་ཕག་མོ་ལྟེ་བར་གནས།། གཞན་ནི་སྤྱི་བོར་ཡང་དག་གནས།། དེ་ནས་སྡོམ་པ་བཤད
35a2 བྱ་སྟེ། སངས་རྒྱས་ཀུན་གྱི་བདེ་ཆེན་པོ།། བདེ་དེ་སྡོམ་པ་ཡང་དག་བཤད།། གང་ཞིག་བདེ་བ་ཁྱད་པར་ཅན།། ངེས་པར་སྡོམ་པ་ཡིན་པར་འདོད།། རྡོ་རྗེ་ཕག་མོ་མ་འདའ་བས།། སྡོམ་པ་དམ
35a3 ཚིག་ཏུ་ནི་བཤད། ། མི་ཕྱེད་པས་ནི་ཕྱག་རྒྱར་གསུངས།། རྡོ་རྗེ་ཕག་མོས་ཡང་ཞུས་པ།། དམ་ཚིག་ཉམས་པའི་རྒྱུ་གང་ལགས།། རྐྱེན་ནི་གང་ལགས་དུས་གང་ལགས།། ཚད་ནི་གང་ལགས།
35a4 སྲུང་དུས་གང་།། ལུས་ངག་དམ་ཚིག་ཇི་ལྟར་དབྱེ།། དང་པོར་ཉམས་པའི་རྒྱུ་ཉིད་ཀྱང་།། མི་ཤེས་པ་དང་བག་མེད་དང་།། ཉོན་མོངས་ལྡན་དང་མགུས་དང་།། བརྗེད་ངས་དྲན་པ་མི་གསལ་བ།།
35a5 འདི་དྲུག་དམ་ཚིག་ཉམས་པའི་རྒྱུ།། བླ་མ་མ་བསྟེན་གྲོགས་ངན་འགྲོགས།། མདོར་ན་སྒོ་གསུམ་ཡེངས་པའི་ཡུལ།། དེ་དག་ཉམས་པའི་རྐྱེན་དུ་གསུངས།། གདོན་གྱིས་བར་ཆོད་ཆང་གིས་མྱོས།།
35a6 ལོག་ལྔ་སྐྱེས་དང་ཁེངས་གྲགས་འདོད།། ཉོན་མོངས་ཟིལ་ནོན་བླ་མས་སྐྱོ།། འདོད་ཆགས་ཆེན་པོ་སྐྱེས་པ་དག། དམ་ཚིག་ཉམས་པའི་དུས་ཡིན་ཏེ།། སྤྱིར་ནི་རྩོད་ལྡན་དུས་སུ་གསུངས།། གདོན་།
35a7 སོགས་གཞན་གྱིས་བྱིན་བརླབས་ཚེ།། བསྲུང་བའི་འདུ་ཤེས་སྔོན་སོང་ན།། ཆེན་པོ་རྫོགས་ཀྱང་ཆུང་ངུར་གསུངས།། འདུ་ཤེས་སྔོན་དུ་མ་སོང་ན།། བག་མེད་ཉམས་པ་སོ་ན་གནས།། གདོན
iiif viewer powered by OpenSeadragon
