| e-texts navigator |
| Wylie |
33b1 རང་བཞིན་གནས་པའི་སངས་རྒྱས་ལ།། རང་བཞིན་མཆོད་པས་རྟག་ཏུ་མཆོད།། སྐུ་ནི་དགུན་དུས་རང་བཞིན་ཏེ།། འབྱུང་བའི་སྐུ་གསུམ་ཟླ་བ་གསུམ།། གསུང་ནི་དཔྱིད་དུས་ངོ་བོ་སྟེ།། འཇུག
33b2 པའི་སྐུ་གསུམ་ཟླ་བ་གསུམ། ། ཐུགས་ནི་དབྱར་དུས་ངོ་བོ་སྟེ།། གནས་པ་སྐུ་གསུམ་ཟླ་བ་གསུམ།། ཡེ་ཤེས་སྟོན་གྱི་དུས་ཡིན་ཏེ།། སྐུ་གསུང་ཐུགས་ནི་ཟླ་བ་གསུམ།། དང་པོ་རྒྱུ་ཡིས་པ་ཡིན།
33b3 འཁོར་ལོ་ཆགས་པ་དམར་པོ་ལ།། ཡི་གེ་རྣམས་ནི་དཀར་པོས་གནས།། ལམ་གྱི་ས་པ་རྣམ་པ་གཉིས།། རིང་བ་དང་ནི་ཉེ་བའོ།། དེ་ནི་འབྲས་བུའི་ས་པ་ཡིན།། འཁོར་ལོ་ཡང་དག་གནས་པ
33b4 སྟེ། འཁོར་ལོ་དེ་རྣམས་ལྷ་རྣམས་ཀྱང་།། སྐུ་མདོག་ཕྱག་མཚན་ཀུན་དང་བྲལ།། རང་བཞིན་གསལ་བ་དྲི་མ་མེད།། ཤེལ་ལྟར་གསལ་བ་དྲི་མ་མེད།། མི་མཐོང་མཐོང་བའི་ངོ་བོ་ཅན།།
33b5 ཟབ་ཅིང་ཕྲ་བའི་རང་བཞིན་ཅན།། ཕྱི་རུ་སྐུ་མདོག་ཕྱག་མཚན་ལྷ།། ནང་གི་ཤིན་ཏུ་ཕྲ་བའི་གཟུགས།། གསང་བའི་བདེ་བ་ལྷ་རུ་ངེས།། དེ་ལས་བཟློག་པ་བཞི་པའི་ལྷ།། ལུས་ལས་བྱུང་ཕྱིར
33b6 ལྔ་ཞེ་འམ། ། རྒྱུད་རྣམས་དག་བྱེད་ཕྱིར་ན་ལྷ།། ཆགས་པའི་ཕྱིར་ན་ལྷ་ཡིན་ཏེ།། རྒྱལ་པོ་ཤེས་རབ་རང་བཞིན་ཏེ།། ཐབས་དང་ཤེས་རབ་རང་བཞིན་གྱི།། ཆགས་པ་ཆེན་པོའི་རྒྱུད་གསུངས
33b7 སོ། ། དེ་ནས་ས་ཆེན་པོའང་ཆེར་གཡོས་པར་གྱུར་ཏེ། མཆོད་པའི་སྤྲིན་གྱི་ཆར་ཆེན་པོ་བབས་པར་གྱུར་ཏོ།། དེ་ནས་དཔའ་བོ་དང་མཁའ་འགྲོ་མ་རྣམས་ཀྱང་རྒྱུད་ཀྱི་དོན་ལ་དགའ་ཞིང་མགུ་སྡེ་རྗེས
iiif viewer powered by OpenSeadragon
