| e-texts navigator |
| Wylie |
338a1 རིག་པ་འཛིན་པའི་སྦྱོར་བའི་མན་ངག་ངེས་པའི་ལེའུ་སྟེ་བཅུ་གཅིག་པའོ།། །། དེ་ནས་ཕྱག་ན་རྡོ་རྗེས། རྣལ་འབྱེར་མ་སྣ་ཚོགས་སྡེ་མ་ལ་ཡང་དང
338a2 ཡང་དུ་ཕྱག་འཚལ་ཏེ་འདི་སྐད་ཅེས་གསོལ་ཏོ། ། རྣལ་འབྱོར་མ་ཡི་གཙོར་གྱུར་པ།། ཤེས་རབ་ཆེན་པོ་ལྷ་མོ་ལེགས།། ཁྱོད་ཀྱིས་གསུངས་པའི་སྦྱོར་བ་གང་།། འཇིག་རྟེན་ན་ཡང་རྙེད
338a3 པར་དཀའ། ། བདག་གིས་རྒྱུད་ཀུན་མཐོང་མོད་ཀྱི།། སྦྱོར་བ་འདི་དག་རྙེད་པར་དཀའ།། རྒྱུད་འདིར་ཁྱོད་ཀྱིས་གང་གསུངས་པ།། སངས་རྒྱས་ཀུན་གྱིས་མ་བཤད་དོ།། ཨ་མའོ་སེམས
338a4 ཅན་དོན་ལ་བརྩོན། ། ཨེ་མའི་སངས་རྒྱས་ཀུན་བསྐྱེད་མ།། ཨེ་མའོ་ཕྱག་རྒྱ་ཆེ་ལ་བརྩོན།། སྔགས་རྣམས་ཀུན་གྱི་རབ་སྦྱོར་བ།། ཤིན་ཏུ་རྙེད་པ་གང་ཡིན་དེས།། རྣལ་འབྱོར་པ་གང་ངོ་མཚར
338a5 བ། ། སྣ་ཚོགས་བྱེད་འགྱུར་ལྷ་མོ་གསུངས།། དང་པོའི་ལེའུར་གང་གང་གསུངས།། སྦྱོར་དེ་ལྷ་མོ་བདག་ལ་ཤོད།། འདི་ལྟ་བུ་ཡི་ཚིག་གསན་ནས།། རྣལ་འབྱོར་མ་ནི་སྣ་ཚོགས་སྡེ།། བཞད
338a6 ཅིང་ཤིན་ཏུ་བཞད་པ་ཡིས། ། ལྷ་རྣམས་ཐམས་ཅད་སྐྲག་པ་དང་།། བདུད་སྡེ་ཐམས་ཅད་འབྲོས་པ་དང་།། བགེགས་རྣམས་ཐམས་ཅད་འཇིག་པར་འགྱུར།། ཨེ་མའོ་བཞད་པའི་ངེས་པ་ཡིས།།
338a7 རྒྱལ་བའི་མཆོག་ཀུན་ངོ་མཚར་རོ།། གསུངས་པ། རྒྱལ་མཚན་འཕྱང་བ་བླང་བྱས་ལ།། དེ་ཡི་ཤ་ཡང་བླང་བྱ་ཞིང་།། དེ་ཡི་རྐེད་ཆའི་རུས་པ་ནི།། བླངས་ནས་ཐབ་ཁུང་དུ་ནི་བྱ།། དེ་ཡི་ཐོད་པའི
iiif viewer powered by OpenSeadragon
