| e-texts navigator |
| Wylie |
320b1 ཕྱིར་རབ་ངེས་ལྷ་མོ་ཀྱེ།། དུས་ཟིན་ཐེ་ཙོམ་མེད་པ་རུ།། བློ་མེད་མུ་སྟེགས་ཅན་དེ་སྨྲ།། འདི་ལྟར་སྨྲས་ཏེ་ཀླུ་རྣམས་ཀྱིས།། སྣ་ཚོགས་སྡེ་མར་ཕྱག་འཚལ་ཏེ།། རང་རང་གི་ནི་གནས་སུ་དོང་།། དེ་ནས།།
320b2 བཅོམ་ལྡན་འདས་མས་ཡུལ་གྱི་ཉེས་པ་སྤོང་བའི་སྔགས་གསུངས་པ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཧཾ། སྟོང་དང་སྟོང་མིན་མཐའ་དག་བཅས།། སྒྱུ་མ་རྨི་ལམ་ལྟ་བུར་གཅིག།
320b3 འཇིག་རྟེན་མཐའ་དག་བརྫུན་གྱིས་བཅིངས།། ཀྱེ་ལགས་བཤེས་མོ་འདི་ལྟར་ལྟོས།། དེ་ནས་ཕྱག་ན་རྡོ་རྗེ་གནོད་སྦྱིན་གྱི་བདག་པོ་ཆེན་པོས། བཅོམ་ལྡན་འདས་མའི་ཞབས་ལ་སྤྱི་བོས་གཏུགས
320b4 ཏེ་འདི་སྐད་ཅེས་གསོལ་ཏོ། ། རི་སྐེགས་སྦྱོར་བ་རྙེད་དཀའ་བ།། ལྷ་མོ་ཡི་ནི་བཤད་དུ་གསོལ།། སེམས་ཅན་དོན་ལ་གཅིག་ཏུ་འབད།། དེ་རུ་བདག་ལ་ལྟད་མོ་མཆིས།། གསུངས་པ།།
320b5 དཀྱིལ་འཁོར་མེད་པར་སྦྱིན་མི་བྱ།། སློབ་མ་བསྡུ་བར་མི་བྱའོ།། གཙོ་བོས་ཇི་ལྟར་གསུངས་པ་ཡི།། དཀྱིལ་འཁོར་ལས་ནི་སྨྲ་བར་བྱ།། མཐོ་ལྔ་པ་ཡི་ས་བཟུང་སྟེ།། ཁོར་ཡུག་ཏུ་ནི
320b6 གྲུ་བཞིའོ། ། དེ་ཡི་ཕྱེད་ཀྱི་ཟླུམ་པོ་ལ།། བརྒྱད་ལས་འདམ་སྐྱེས་འདབ་མ་བརྒྱུད།། ཨོཾ་ཧཱུཾ་ཧྲཱིཿཧཱུཾ་ཁཾ་ཧཱུཾ་ཨ་ཧཱུཾ་ཏིཥྛ་ཏིཥྛ་བཛྲ་ས་མ་ཡ་ཨ་དྷིཥྛ་ཡེད། ས་སྦྱང་བའི་སྔགས་སོ།། བཛྲ་ཧེ་རུ་ཀ་བཛྲ་ས་མ
320b7 ལ་ཧྲི་སརྦ་དུཥྚ་ས་མ་ཡ་མུ་དྲཱ་པྲ་བྷཾ་ཛ་ཧ་ཧཱུཾ་རུ་ལུ་རུ་ལུ་བྷྱོ་ཧཱུཾ་ཧཱུཾ་ཕཊ། ས་སྦྱང་བའི་དུས་སུ་གཏོར་མ་གཏང་བའི་སྔགས་སོ།། ཨོཾ་སརྦ་ཏ་ཐཱ་ག་ཏ་ཨ་དྷིཥྛ་ན་ཨི་དཾ་སཱུ་ཏྲ་ཏིཥྛ་མ་ཙ་ལ་ཧེ་ཧེ་བུདྡྷ་ཀ་པཱ
iiif viewer powered by OpenSeadragon
