| e-texts navigator |
| Wylie |
319b1 ཕྱི་ནང་གསང་བར་བཅས་པ་ཡི།། དབང་བསྐུར་ཙམ་གྱིས་ནམ་མཁའ་ཡི།། དཀྱིལ་ནས་རྔ་ཡི་སྒྲ་གྲགས་ཅིང་།། མེ་ཏོག་ཙན་དན་ཆར་འབབ་འགྱུར།། དེ་ནས་རྣལ་འབྱོར་མ་དེ་རྣམས།། རྩ་ཡི
319b2 འཁོར་ལོ་ལ་ནི་ཐིམ། ། སངས་རྒྱས་ཐོད་པའི་རྒྱུད་རྣལ་འབྱོར་མའི་གོང་ན་མེད་པ་གསང་བའི་ཡང་ཤིན་ཏུ་གསང་བ་ཞེས་བྱ་བ་ལས། ལྷ་བསྐྱེད་པ་དང་དབང་བསྐུར་བའི་ལེའུ་སྟེ་གསུམ་པའོ།།
319b3 ། རྡོ་རྗེ་སྡེ་ལ་ཕྱག་བྱས་ནས་འདི་སྐད་ཅེས་གསོལ་ཏོ།། ཅི་ཡི་ཕྱིར་ན་བདག་ཅག་རྣམས།། འོད་ཟེར་གྱིས་ནི་འཚལ་ཏེ་མཆིས།། བཅོམ་ལྡན་བདག་ལ་བཤད་དུ་གསོལ།། དེ་ནས
319b4 ཕྱག་ན་རྡོ་རྗེ་གནོད་སྦྱིན་གྱི་བདག་པོས། རྣལ་འབྱོར་མ་སྣ་ཚོགས་སྔ་མ་ལ་འདི་སྐད་ཅེས་གསོལ་ཏོ།། ནོར་རྒྱས་ལ་སོགས་བདག་ཉིད་ཆེ།། ཀླུ་རྣམས་ཅིའི་ཕྱིར་དགུག་པ་ལགས།། རྣལ་འབྱོར
319b5 ཆེན་མོ་བདག་ལ་གསུངས། ། དེ་ནས་སྣ་ཚོགས་སྔ་མའི་སྙིང་གི་འོད་ཟེར་གྱིས་ཀླུ་ཐམས་ཅད་ཀྱི་སྙིང་ཀ་དང་སྤྱི་བོའི་མཐར་ཐུག་པར་ཞུགས་ཏེ། ཚིམ་པར་བྱས་ནས་སླར་ལོག་གོ། དེ་ནས་ཀླུ་དེ
319b6 རྣམས་ཐམས་ཅད་ཀྱིས་ཕྱག་འཚལ་ཏེ་འདི་སྐད་ཅེས་གསོལ་ཏོ། ། ལྷ་མོ་བཀའ་ནི་ཅི་ཞིག་སྩོལ།། ཀྱེ་ལགས་ཇི་ལྟ་བུ་ཞིག་བགྱི།། གསུངས་པ། མུ་སྟེགས་ལ་སོགས་མཁའ་ལྡིང་སྔགས།
319b7 ཡེ་ཤེས་ལས་བྱུང་ཇི་ལྟ་བུ།། དུས་སུ་ཟིན་པ་ཇི་ལྟ་ཡིན།། ཇི་ལྟར་དུག་ནི་སྐྱེ་བར་འགྱུར།། སྦྲུལ་གྱིས་ཟིན་པ་ཙམ་གྱིས་ནི།། སླར་ཡང་སེམས་ཅན་འཆི་འགྱུར་ཞིང་།། ཞུས་པ། ཁྱབ
iiif viewer powered by OpenSeadragon
