| e-texts navigator |
| Wylie |
316a1 མེད་ལྔ་ནི་བྱེད་པ་ཡང་། ། སངས་རྒྱས་ཐོད་པའི་སྦྱོར་བ་ཡིས།། འདི་ལྟའི་སྦྱོར་བ་འགྲུབ་པར་འགྱུར།། དངོས་པོ་དེ་ཡིས་བློ་ཆེན་རྣམས།། སེམས་ཅན་དོན་ལ་གཅིག་ཏུ་བརྩོན།།
316a2 སྲང་གཅིག་གིས་བསྲེས་བྱེ་བའི་རིན།། སྦྱོར་བ་ཀུན་ཏུ་རྙེད་པར་དཀང་།། སྦྱོར་བ་གླེགས་བམ་ལ་མི་བྲི།། བླ་མའི་དྲིན་ལས་ཤེས་པར་བྱ།། བླ་མས་དངོས་གྲུབ་བླ་མས་ཐར།
316a3 བླ་མ་སྟོན་པ་རྣམས་ཀུན་པ།། དེས་ན་སློབ་མ་བློ་ཅན་གྱིས།། འབད་པས་བླ་མ་མཉེས་པར་བྱ།། ཐལ་བ་དེ་ཉིད་ཀྱིས་ལྟས་ལྟ་བའི་དོན་དུ་བུ་མོའི་མགོ་ལ་བླུགས་ཏེ་རྡོ་རྗེའི་གཙུག་གིས་བུ་མོ
316a4 བཀྲུའོ། ། ཡང་ཐལ་བས་ཐིག་ལེ་བྱས་ལ། ཚངས་པ་རྡོ་རྗེས་མཎྜལ་གྲུ་བཞི་བྱས་ཏེ། དེའི་དབུས་སུ་བུ་མོ་གཞག་པར་བྱའོ།། བདུག་སྤོས་ལྔས་བདུགས་ཤིང་སངས་རྒྱས་ཐམས་ཅད
316a5 ཀྱིས་བྱིན་གྱིས་བརླབས་ན་བུ་མོ་ལ་འབབ་པར་འགྱུར་ཏེ། འདས་པ་དང་། མ་འོངས་པ་དང་། ད་ལྟར་བྱུང་བ་སྟོན་ཏོ།། བུ་དོན་གྱི་འབྲས་ལ་སྔགས་འདི་ལན་བདུན་དུ་མངོན་པར་བསྔགས
316a6 སོ། ཨོཾ་བུདྡྷ་ཀ་པཱ་ལི་ནི་དེ་ཧི། དེ་ཧི་དེ་ཧི་ད་དཱ་པ་ཡ་ད་དཱ་པ་ཡ་ཧེ་ཧེ་བྷ་ག་བ་ཏི་ཤཱི་གྷྲཾ་ཁད་གཾ་དྷ་ར་ཧི་བུདྡྷ་ཀ་པཱ་ལ་བཛྲ་སྱ་ཡ་ཛྙཱ་མ་ལཾ་བྷ་ཡ་ཧཱུཾ་སྟཾ་ཧྲི་ཕཊ་ཨ་ཕཊ། ཡུངས་ཀར་བསྣུན་པ་ཙམ་གྱིས་ནི།
316a7 བུ་མོ་གྲགས་ཆེན་མ་ནི་རྒོད།། དེ་ཡི་ཁ་ནས་རལ་གྲི་བདུན།། འབྱུང་བ་ལ་ནི་ཐེ་ཙོམ་མེད།། སངས་རྒྱས་ཐོད་པའི་རྣལ་འབྱོར་པས་སྐད་ཅིག་མ་དེ་ཉིད་ལ་འགྲུབ་པར་འདིར་སོམ་ཉི་མེད་དོ།། དེ་ལྟར་རལ
iiif viewer powered by OpenSeadragon
