| e-texts navigator |
| Wylie |
27b1 མཁའ་ལ་འགྲོ་བས་མཁའ་འགྲོ་སྟེ།། རྩ་སོགས་ལ་ཡང་ཤེས་པར་བྱ།། ཐམས་ཅད་དེ་ལས་བྱུང་བའི་ཕྱིར།། མ་ཞེས་ང་ཡིས་གསུངས་པ་ཡིན།། དེ་ཡི་དོན་ལ་མི་དཔོགས་པས།། དེ་ཡི་ཕྱིར
27b2 ན་དཔག་ཏུ་མེད། ། ཐབས་གཅིག་བཞུགས་ཞེས་བྱ་བ་འདི།། དེ་ཉིད་དོན་དང་དབྱེར་མེད་ཕྱིར།། གཅིག་གི་དོན་དུ་བཤད་པའོ།། གཉིས་པ་མ་ཡིན་དེ་དོན་དུ།། ཕྱི་ནང་མ་ཡིན་མཆོད་པ་ནི།།
27b3 ཕྱི་ཡི་མཆོད་པ་བཤད་པར་བྱ།། མེ་ཏོག་བདུག་པ་མར་མེ་དང་།། དྲི་དང་ལྷ་བཤོས་བཏུང་བ་དང་།། རོལ་མོ་སིལ་སྙན་དབྱངས་ཉིད་དང་།། སྒེག་དང་དགོད་དང་གར་ཉིད་དང་།། རྟ་དང་གླང
27b4 པོ་རིན་ཆེན་སོགས། ། དེ་ནས་ནང་གི་མཆོད་པ་ནི།། བྷ་ག་བཙུམས་ལ་ཀུ་ཙ་བཙིར།། བདུད་རྩི་ལྔ་དང་བཏུང་བ་ལྔ།། བྱང་ཆུབ་སེམས་དང་ལྡན་བྱས་ཏེ།། ཕུང་པོ་ཁམས་དང་སྐྱེ་མཆེད
27b5 རྣམས། ། དེ་ལ་སོགས་པས་མཆོད་པར་བྱ།། དེ་ནས་གསང་བའི་མཆོད་པ་ནི།། རྩ་དང་རླུང་དང་ཐིག་ལེ་སྟེ།། དེ་ཉིད་གཉིས་མེད་བདེ་བ་ཡིས།། རྩ་དང་རླུང་སོགས་ཐིག་ལེས་མཆོད།།
27b6 དེ་ནས་རབ་གསང་མཆོད་པ་ནི།། དང་པོ་དགའ་དང་མཆོག་དགའ་དང་།། དགའ་བྲལ་དེ་བཞིན་ལྷན་སྐྱེས་དགའ།། བདེ་བའི་ཁྱད་པར་དེ་ཉིད་ཀྱིས།། རང་བཞིན་དགའ་སོགས་ཐམས་ཅད་མཆོད།།
27b7 དེ་ནས་ཐ་མེད་མཆོད་པས་ནི།། རང་རིག་སྟོང་པར་རྟོགས་པ་ཡི།། འོད་གསལ་དེ་ཉིད་ཆོས་ཀྱི་སྐུ།། དེ་ཉིད་བླ་མེད་མཆོད་པ་མཆོག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།། རྡོ་རྗེ
iiif viewer powered by OpenSeadragon
