| e-texts navigator |
| Wylie |
27a1 སྐུ་གསུང་ཐུགས་ནི་ཇི་ལྟར་ལགས།། བཙུན་མོའི་བྷ་ག་ཇི་ལྟར་ལགས།། རྡོ་རྗེ་གང་ལགས་སྙིང་པོ་གང་།། དཔའ་བོ་གང་ལགས་མཁའ་འགྲོ་གང་།། དཔག་ཏུ་མེད་པ
27a2 ཇི་ལྟར་ལགས། ། ཐབས་གཅིག་བཞུགས་པ་ཇི་ལྟར་ལགས།། ཕྱི་ནང་གསང་བ་བླ་མེད་པའི།། མཆོད་ནས་ཞེས་པ་ཇི་ལྟར་ལགས།། མངོན་ཕྱོགས་འཁོད་པ་ཇི་ལྟར་ལགས།། ཞལ་འཛུམ
27a3 མཛད་པ་ཇི་ལྟར་ལགས། ། གཟིགས་པ་ཞེས་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་མོངས་དང་ནི་འཆི་བདག་བདུད།། ཕུང་པོའི་བདུད་དང་ལྷ་ཡི་བདུད།། བདུད
27a4 བཞི་བཅོམ་པས་བཅོམ་པའོ། ། ལྡན་པ་ཡོན་ཏན་དྲུག་ལྡན་ཕྱིར།། དབང་ཕྱུག་དང་ནི་གཟུགས་བཟང་དང་།། དཔལ་དང་གྲགས་དང་སྐལ་བ་བཟང་།། ཡེ་ཤེས་ཕུན་སུམ་ཚོགས་པ་ལ།།
27a5 དྲུག་པོ་དེ་ལྡན་ཞེས་བྱ་བ།། འཁོར་བའི་ཆོས་ནི་མྱ་ངན་ཏེ།། དེ་ལྟར་བྲལ་ཕྱིར་འདས་པའོ།། འདས་པའི་དེ་བཞིན་གཤེགས་པ་ཀུན།། འགྲོ་བའི་དོན་མཛད་དེ་བཞིན་གཤེགས།། ཐམས་ཅད
27a6 དུས་གསུམ་སངས་རྒྱས་ཀྱི། ། སྐུ་གསུང་ཐུགས་ཀྱི་ངོ་བོར་བཅས།། བཙུན་མོ་ཞེས་བྱ་ཆོས་ཀྱི་དབྱིངས།། དེ་ལས་བྱུང་ཕྱིར་བྷ་ག་སྟེ།། དབྱེར་མི་ཕྱེད་པས་བཞུགས་པར་བཤད།། རྡོ་རྗེ་ཆོས
27a7 རྣམས་འཇུག་པ་ཆེ། ། སྙིང་པོ་ཡེ་ཤེས་ཆེན་པོ་སྟེ།། སོགས་པ་མང་པོའི་དོན་ཡིན་ཏེ།། དཔའ་བོ་ཞེས་པ་རྣམ་པ་ལྔ།། ཕྱི་ནང་གསང་བ་ལ་སོགས་ཀྱི།། རྣམ་པར་རྟོག་པ་འཇོམས་ཕྱིར་ཡིན།།
iiif viewer powered by OpenSeadragon
