| e-texts navigator |
| Wylie |
26b1 ཀུན་སྟོན་བྱེད་ལེན་པ་སྟེ། ། སྲིད་པ་ལོངས་སྤྱོད་རྫོགས་སྐུ་ཡིན།། སྐྱེ་བ་སྤྲུལ་པའི་སྐུ་རུ་བཤད།། རྒ་ཤི་རྒྱུན་དང་མྱ་ངན་འདས།། འོད་གསལ་སྟོང་ཆེན་དང་དུ་ཐིམ།། དེ་ཕྱིར་རྡོ་རྗེ་བཅུ་གཉིས།
26b2 པ། རྫས་ཀྱི་རྡོ་རྗེ་བཞི་ཡིན་ཏེ།། འབིགས་ཤིང་རྣོ་བ་ཟུར་གསུམ་སྟེ།། གྲུ་བཞིས་རྫས་རྣམས་བརྡར་བྱས་པས།། འཇམ་ཞིང་དཔལ་འཇོམས་པར་བྱེད།། པ་ལམ་ཟླུམ་པོས་རྩུབ་པ་འཇོམས།
26b3 ཟུར་ལྔས་ཐམས་ཅད་ཅིང་གར་བྱེད།། དེ་ནས་ཆེན་པོའི་དོན་བཤད་དེ།། དམིགས་དང་བསམ་པ་སྤྱོད་པ་དང་།། བརྟུལ་ཞུགས་བརྩོན་འགྲུས་སྨོན་ལམ་དང་།། དེ་བཞིན་ཡེ་ཤེས་ཆེན་པོ་སྟེ།།
26b4 རི་རེ་ལ་ཡང་བདུན་དདུན་སྦྱར།། དེ་ཕྱིར་ཆེན་པོ་ཞེས་ནི་བསྟན།། རྒྱུད་ནི་རྣམ་པ་ལྔ་ཡིན་ཏེ།། ཕྱི་དང་ནང་དང་གསང་བ་དང་།། རབ་ཏུ་གསང་དང་གསང་བ་ཆེ།། དེ་རྣམས་རྒྱུན་དུ་གནས་པ་ལ།
26b5 རྒྱུ་ཡི་རྒྱུད་དུ་བསྟན་པ་ཡིན།། དེ་རྣམས་དོན་ནི་ཇི་བཞིན་རྫོགས།། འབྲས་བུའི་རྒྱུད་དུ་བསྟན་པ་ཡིན།། རྒྱུ་དང་འབྲས་བུ་གཉིས་མེད་པ།། རྒྱུ་ནི་གཉིས་སུ་མེད་པ་ཡི།། རང་རིག་ཡེ་ཤེས
26b6 མཐར་ཐུག་པ། ། མཐར་ཐུག་བླ་ན་མེད་པའི་རྒྱུད།། རྒྱལ་པོ་ལ་ཡང་ལྔ་ཡིན་ཏེ།། ཕྱི་ནང་གསང་དང་རབ་ཏུ་གསང་།། ཤིན་ཏུ་གསང་བ་ཆེན་པོ་སྟེ།། དེ་རྣམས་དོན་ལ་དབང་བསྐུར་དང་།
26b7 དེ་ཡི་མི་མཐུན་ཕྱོགས་འཇོམས་ཕྱིར།། དེ་ཕྱིར་རྒྱལ་པོ་ལྔ་རུ་བསྟན།། རྡོ་རྗེ་སྙིང་པོས་ཡང་གསོལ་པ།། བཅོམ་ལྡན་འདས་ནི་ཇོ་ལྟར་ལགས།། དེ་བཞིན་གཤེགས་པ་ཐམས་ཅད་ཀྱི།
iiif viewer powered by OpenSeadragon
