| e-texts navigator |
| Wylie |
26a1 རྟགས་ཀྱི་རྡོ་རྗེ་བཞི་ཡིན་ནོ།། གཉིས་སུ་མེད་པ་རྩེ་གཅིག་པས།། རྣམ་རྟོག་ཐམས་ཅད་སྤངས་པ་ཡིན།། རྩེ་གསུམ་སྐུ་གསུང་ཐུགས་ཡིན་ཏེ།། འདོད་ཆགས་ཞེ་སྡང་གཏི་མུག
26a2 གསུམ། ། འཇོམས་པའི་ཕྱིར་ན་བཤད་པ་ཡིན།། རྩེ་ལྔ་ཡེ་ཤེས་ལྔ་ཡི་རྟགས།། མེ་ལོང་མཉམ་ཉིད་སོ་སོར་རྟོག། བྱ་བ་ནན་ཏན་ཆོས་དབྱིངས་ཤེས།། ཉོན་མོངས་ལྔ་ནི་སྤངས་པ་སྟེ།། ཞེ་སྡང
26a3 ང་རྒྱལ་འདོད་ཆགས་དང་། ། ཕྲག་དོག་གཏི་མུག་འཇོམས་པར་བྱེད།། རྡོ་རྗེ་རྩེ་དགུ་གང་ཡིན་པ།། ཡེ་ཤེས་རྩེ་དགུ་བཤད་པ་སྟེ།། ཁམས་གསུམ་ས་དགུ་འཇོམས་པར་བྱེད།། འདོད་ཁམས
26a4 གཟུགས་ཁམས་གཟུགས་མེད་ཁམས། ། ཉན་ཐོས་རང་རྒྱལ་བྱང་ཆུབ་སེམས།། རིག་འཛིན་སངས་རྒྱས་ཡེ་ཤེས་ཆེ།། ས་དགུལ་ནི་གང་སྒྲིབ་པའི།། སྒྲིབ་པ་སྦྱོང་བར་བྱེད་པ་ཡི།། རྡོ་རྗེ་རྩེ་དགུར།
26a5 བསྟན་པ་ཡིན།། རྡོ་རྗེ་རྩེ་མོ་བཅུ་གཉིས་པ།། འཁོར་བའི་རྟེན་འབྲེལ་བཅུ་གཉིས་ཀྱི།། སྤོང་བའི་ཡེ་ཤེས་བཅུ་གཉིས་ཡིན།། མ་རིག་པ་ལས་འདུ་བྱེད་དེ།། འདུ་བྱེད་རྐྱེན་གྱིས་རྣམ་པར་ཤེས།། །
26a6 མིང་དང་གཟུགས་དང་སྐྱེ་མཆེད་དྲུག། རེག་དང་ཚོར་དང་སྲེད་དང་ལེན།། སྲིད་པ་སྐྱེ་དང་རྒ་ཤི་སྟེ།། དེ་རྣམས་སྤོང་བའི་གཉེན་པོ་སྟེ།། ཆོས་ཀྱི་ཡེ་ཤེས་མངོན་དུ་བྱས།། དེ་ལས་ཡེ་ཤེས་དྲུག
26a7 རང་བཞིན། ། དེ་ལས་སྐུ་གསུང་ཐུགས་ངོ་བོ།། དེ་ལས་སྐྱེ་མཆེད་དྲུག་སངས་རྒྱས།། དེ་ལས་གཉིས་མེད་རེག་པ་ནི།། དེ་ལས་ཉམས་མྱོང་བདེ་ཆེན་པོ།། རང་རིག་དེ་ཉིད་སྲེད་པ་སྟེ།། ཆོས
iiif viewer powered by OpenSeadragon
