| e-texts navigator |
| Wylie |
25b1 དུས་རྣམས་སྣང་། ། དེ་ལྟར་རྒྱུང་མཆོག་རྒྱལ་པོའི་དོན།། ཁྱོད་ལ་གཏད་ཀྱིས་ལེགས་པར་དྲུང་།། དེ་ནས་འཁོར་ཐམས་ཅད་དགའ་ཞིང་མགུ་སྟེ་རྗེས་སུ་ཡི་རང་བར་གྱུར་ཏོ།། དཔལ་དུ་བཟོད
25b2 རྒྱན་གྱི་རྒྱུད་ཀྱི་རྒྱལ་པོ་རྫོགས་སོ། ། ། པཎྜི་ཏ་ག་ཡ་དྷ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
25b3 གར་སྐད་དུ། ཤྲཱི་བཛྲ་རཱ་ཛ་མ་ཧཱ་ཏནྟྲ། བོད་སྐད་དུ། དཔལ་རྡོ་རྗེ་རྒྱལ་པོ་ཆེན་པོའི་རྒྱུད། དཔལ་སྡོམ་པའི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན
25b4 བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་རྡོ་རྗེ་སྙིང་པོ་ལ་སོགས་པའི་དཔའ་བོ་མཁའ་འགྲོ་གྲངས་མེད་པ་དང་ཐབས་གཅིག་ཏུ
25b5 བཞུགས་པའི་དུས་སུ་ཕྱི་ནང་གསང་བ་བླ་ན་མེད་པའི་མཆོད་པས་མཆོད་ནས། བཅོམ་ལྡན་འདས་ལ་མངོན་དུ་ཕྱོགས་པ་དང་། བཅོམ་ལྡན་འདས་ཞལ་འཛུམ་པ་མཛད་དེ། རྡོ་རྗེ་སྙིང་པོ་ལ་སོགས
25b6 པས་གསོལ་པ། རྡོ་རྗེ་གང་ལགས་ཆེན་པོ་གང་།། རྒྱུད་ནི་གང་ལགས་རྒྱལ་པོ་གང་།། བཅོམ་ལྡན་འདས་ཀྱིས་བཀའ་སྩལ་པ།། དོན་གྱི་རྡོ་རྗེ་རྣམ་པ་བཞི།། དབང་བཞིའི་གྲངས་སུ་ཤེས་པར་བྱ།།
25b7 རྣམ་རྟོག་འཇོམས་ཕྱིར་རྡོ་རྗེ་སྟེ།། དེ་ལ་རྣམ་པ་བཞི་ཡིན་ཏེ།། ཕྱི་ནང་གསང་བ་རབ་གསང་གཉིས།། རྩེ་གསུམ་རྩེ་གཅིག་རྩེ་ལྔ་པ།། རྩེ་དགུ་པ་ནི་ཉིད་ཡིན་ནོ།། བཅུ་གཉིས་དེ་ཉིད་རྡོ་རྗེ་སྟེ།།
iiif viewer powered by OpenSeadragon
