| e-texts navigator |
| Wylie |
22b1 གཞན་ཡང་དངོས་གྲུབ་འདོད་པ་ཡིས།། ཐམས་ཅད་བླ་མའི་ཞལ་ནས་བླང་།། རྒྱུད་འདི་གཏད་ཀྱིས་ནན་ཏན་གྱིས།། དེའི་ཚེ་འཁོར་འདུས་པ་ཐམས་ཅད་རྒྱུད་ཀྱི་དོན་ལ་ཡི་རང་བར་གྱུར་ཏོ།།
22b2 དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ་རྫོགས་སོ།། ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
22b3 རྒྱ་གར་སྐད་དུ། ཤྲཱི་ཤྨ་སཱ་ན་ཨ་ལཾ་ཀཱ་ར་ཏནྟྲ་རཱ་ཛ། བོད་སྐད་དུ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ།།
22b4 འཇིགས་བྱེད་ཆེ་ལ་ཕྱག་འཚལ་ཏེ།། ཞབས་ལ་སྤྱི་བོས་ལེགས་བཏུད་ནས།། དུར་ཁྲོད་གང་ལགས་རྒྱུན་གང་ལགས།། རྒྱུད་ནི་གང་ལགས་རྒྱལ་པོ་གང་།། བཅོམ་ལྡན་འདས་ཀྱིས
22b5 བཀའ་སྩལ་པ། ། ལེགས་སོ་རྡོ་རྗེ་སྙིང་པོ་ལེགས།། ལེགས་པར་ཉོན་ལ་ལེགས་པར་ཟུང་།། དང་པོར་དུར་ཁྲོད་བཤད་བྱ་སྟེ།། དུར་ཁྲོད་སྤྱི་དང་བྱེ་བྲག་གནས།། གཞལ་ཡས་ཁང་གི
22b6 ཕྱི་རོལ་ཏེ། ། རྡོ་རྗེ་ར་བའི་ནང་རོལ་དུ།། འཇིགས་པ་ཆེན་པོ་སྤྱི་ཡི་གནས།། བྱེ་བྲག་ཤར་ལ་སོགས་པ་སྟེ།། སྣོད་ཀྱི་ཞེན་པ་བཟློག་པ་ཡང་།། ལྕགས་རི་ནག་པོ་ཚུན་ཆད་དེ།། རྡོ་རྗེར
22b7 བས་དེ་ཉིད་དོ། ། ཆེན་པོ་ཁྲུ་ནི་ཉི་ཤུ་སྟེ།། ཆུང་བ་ཁྲུ་གང་ཚུན་ཆད་དོ།། དེ་ལས་གཞན་པའི་དཀྱིལ་འཁོར་གྱི།། ཚད་ལས་ངེས་པར་བཟླས་པའོ།། རྣམ་ཤེས་ཚོགས་བརྒྱད་རྣམ་རྟོག་བརྐྱང་།
iiif viewer powered by OpenSeadragon
