| e-texts navigator |
| Wylie |
17a1 དེ་བཞིན་ཏེ། ། རྒྱས་པ་ལ་སོགས་དེ་དང་འདྲ།། རྒྱུད་འདི་གཏད་ཀྱིས་ལེགས་པར་ཟུང་།། ཐམས་ཅད་དགའ་ཞིང་མགུ་བར་གྱུར།། དཔལ་རྡོ་རྗེ་མཁའ་འགྲོ་གསང་བའི
17a2 རྒྱུད་ཀྱི་རྒྱལ་པོ་རྫོགས་སོ། ། རྒྱ་གར་གྱི་མཁན་པོ་ག་ཡ་དྷ་ར་དང་།། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
17a3 རྒྱ་གར་སྐད་དུ། ཤྲཱི་ཛྭ་ལ་ཨགྣེ་གུ་ཧྱ་ཏནྟ་རཱ་ཛ། བོད་སྐད་དུ། དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ། བཅོམ་ལྡན་འདས་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག
17a4 གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས་སོ།། དེའི་ཚེ་འཁོར་འདུས
17a5 པའི་ནང་ནས་རྡོ་རྗེ་ཕག་མོས་གསོལ་པ། རྣལ་འབྱོར་གང་ལགས་འཕོ་བ་གང་།། འཆི་བ་གང་ལགས་ཤི་བ་གང་།། རོ་ནི་གང་ལགས་རོ་ཆེན་གང་།། དེ་བཞིན་ཤི་བ་ཆེན་པོ་གང་།། ཐལ་བ
17a6 གང་ལགས་ཐལ་ཆེན་གང་། ། ཚ་ཚ་གང་ལགས་ཚ་ཚ་ཡི།། ཆེན་པོ་གང་ལགས་གནས་ནི་གང་།། བཅོམ་ལྡན་འདས་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།
17a7 ཐབས་དང་ཤེས་རབ་སྙོམས་འཇུག་ལ།། རྣལ་འབྱོར་ཞེས་ནི་གསུངས་པ་ཡིན།། དུས་མིན་ལྷ་ནི་གསོད་པ་སྟེ།། དང་པོར་འཕོ་བའི་རྟགས་དང་ཡང་།། དུས་ཆོད་ངེས་པར་ཤེས་བྱ་སྟེ།
iiif viewer powered by OpenSeadragon
