| e-texts navigator |
| Wylie |
13b1 དངོས་པོ་མཚན་མ་ལ་སོགས་པའི།། རྣམ་རྟོག་ཀུན་གྱིས་སྟོང་པ་ལ།། དངོས་པོར་རྗེས་སུ་འཛིན་པས་འཁྲུལ།། རང་ཉིད་གཉིས་སུ་མེད་པ་ལ།། བདེན་པ་གཉིས་སུ་འཛིན་པས
13b2 འཁྲུལ། ། གདུལ་བྱ་སྣ་ཚོགས་འདུལ་བ་ཡི།། ཐེག་པ་དུ་མའི་གོང་འོག་ལ། སྒྲོ་དང་སྐུར་པ་འདེབས་པས་འཁྲུལ།། སེམས་ཅན་འཁྲུལ་པ་སྣ་ཚོགས་ཀྱིས།། ལས་ཀྱི་རྣམ་སྨིན
13b3 ལ་སོགས་ལ། ། བལྟ་བས་སྐུར་པ་འདེབས་པས་འཁྲུལ།། རང་རིག་གཟོད་ནས་འོད་གསོལ་ལ།། སྐུ་མདོག་ཕྱག་མཚན་ལ་སོགས་པ།། རྡོ་རྗེ་འཛིན་པར་འདོད་པས་འཁྲུལ།།
13b4 འཁྲུལ་པ་དང་ནི་འཁྲུལ་པའི་གཞི།། འདོད་ཆགས་འདོད་ཆགས་ཆེན་པོ་སྟེ།། འཁྲུལ་གཞི་འཁྲུལ་པ་ལས་འདས་ན།། འདོད་ཆགས་ཆེན་པོ་བཅོམ་ལྡན་འདས།། ཞེ་སྡང་ཞེ་སྡང
13b5 ཆེན་པོ་དང་། ། དེ་བཞིན་ཞེ་སྡང་བཅོམ་ལྡན་འདས།། གཏི་མུག་གཏི་མུག་ཆེན་པོ་སྟེ།། དེ་བཞིན་གཏི་མུག་བཅོམ་ལྡན་འདས།། འདི་ཡིས་ངེས་པར་གྲོལ་འགྱུར་གྱི།། འདི་སྤངས
13b6 གཞན་གྱིས་གྲོལ་བ་མིན། ། བདག་པོ་ལྷ་དང་བླ་མ་སྤུན། བདག་པོ་ལྷན་ཅིག་རྣལ་འབྱོར་ཙམ།། ཐེག་པ་སྤྱི་བསྡུས་དེ་ལས་གཞན།། སྐྱེ་བོའི་བེམས་པོ་ཆེ་དང་བརྒྱད།། དེ་དག
13b7 རང་རིག་ཐོབ་པའི་རྒྱུ། ། དེ་ཕྱིར་དམ་ཚིག་གཙོ་བོར་བསྲུངས།། འབྲས་བུའི་ཁྱད་པར་རང་རིག་འབྱུང་།། ཀྱེ་མ་མགོན་པོ་ཀྱེ་སངས་རྒྱས།། འདོད་ཆགས་དབྱེ་བ་དེ་ལྟར་ན།། དེ་ཡི་ངོ་བོ
iiif viewer powered by OpenSeadragon
