| e-texts navigator |
| Wylie |
108a1 པོར་གཅིག་ནི་བསྒོམ་པར་བྱ། ། རྡོ་རྗེ་སྙིང་པོ་སྙིང་རྗེ་ཆེ།། དངོས་པོ་ཉིད་ཀྱིས་རྣམ་གྲོལ་ཞིང་།། དངོས་པོའི་འཆིང་བས་འཆིང་བར་འགྱུར།། དེ་ཡོངས་ཤེས་པས་གྲོལ་བ་ཡིན།།
108a2 དངོས་པོ་མེད་པའང་ཡོངས་ཤེས་པས།། དངོས་པོ་སྒོམ་འགྱུར་ཤེས་རབ་ཅན།། དངོས་པོ་མེད་པ་ཡོངས་ཤེས་པས།། དེ་ལྟར་ཧེ་རུ་ཀ་བསྒོམ་བྱ།། ལུས་ལ་ཡེ་ཤེས་ཆེན་པོ་གནས།། རྟོག་པ
108a3 ཐམས་ཅད་ཡང་དག་སྤངས། ། དངོས་པོ་ཀུན་ལ་ཁྱབ་པ་པོ།། ལུས་གནས་ལུས་ལས་མ་སྐྱེས་པའོ།། རྡོ་རྗེ་སྙིང་པོས་གསོལ་པ། ཀྱེ་བཅོམ་ལྡན་འདས་རྡོ་རྗེའི་ལུས་ལ་རྩ་དུ་ལགས། བཅོམ་ལྡན
108a4 འདས་ཀྱིས་བཀའ་སྩལ་པ། རྩ་རྣམས་ནི་སུམ་ཅུ་རྩ་གཉིས་ཏེ། བྱང་ཆུབ་ཀྱི་སེམས་སུམ་ཅུ་རྩ་གཉིས་འབབ་པ་བདེ་བ་ཆེན་པོའི་གནས་སུ་འཛག་པའོ།། དེ་རྣམས་ཀྱི་ནང་ནས་རྩ་རྣམ་པ་གསུམ་ནི་གཙོ་མ
108a5 སྟེ། བརྐྱང་མ་དང་། རོ་མ་དང་། ཀུན་འདར་མའོ།། བརྐྱང་མ་ཤེས་རབ་རང་བཞིན་གྱིས།། ཐབས་ཀྱིས་རོ་མ་ཡང་དག་གནས།། ཀུན་འདར་མ་ནི་དབུས་གནས་སུ།། གཟུང་དང་འཛིན་པ་རྣམ་པར
108a6 སྤངས། ། བརྐྱང་མ་མི་བསྐྱོད་འབབ་པ་སྟེ།། རོ་མ་དེ་བཞིན་ཁྲག་འབབ་ཅིང་།། ཤེས་རབ་ཟླ་བ་འབབ་བཤད་པ།། དེ་ནི་ཀུན་འདར་མར་རབ་གྲགས།། མི་ཕྱེད་མ་དང་། འཕྲ་གཟུགས་མ་དང་། རྩེ་བ
108a7 མ་དང་། གཡོན་པ་མ་དང་། ཟུང་ངུ་མ་དང་། རུས་སྦལ་སྐྱེས་མ་དང་། སྒོམ་པ་མ་དང་། དབང་མ་དང་། སྐྱོན་མ་དང་། འཇུག་མ་དང་། མ་མོ་དང་། མཚན་མོ་དང་། བསིལ་སྦྱིན་མ་དང
iiif viewer powered by OpenSeadragon
