| e-texts navigator |
| Wylie |
107b1 སྙིང་རྗེ་ཆེན་པོ་ལེགས་སོ་ལེགས་སོ། ། རྡོ་རྗེ་སེམས་དཔའ་དང་། སེམས་དཔའ་ཆེན་པོ་དང་། དམ་ཚིག་སེམས་དཔའ་ཆེན་པོ་སྙིང་པོ་ཀྱེའི་རྡོ་རྗེ་ཞེས་བྱ་བ་ཉོན་ཅིག། རྡོ་རྗེ་སྙིང་པོས་གསོལ་པ
107b2 གང་ཕྱིར་རྡོ་རྗེ་སེམས་དཔའ་ལགས། ། ཇི་ལྟར་སེམས་དཔའ་ཆེན་པོ་ལགས།། གང་གིས་དམ་ཚིག་སེམས་དཔའ་ལགས།། བཅོམ་ལྡན་འདས་ཀྱིས་བདག་ལ་གསུངས།། བཅོམ་ལྡན་འདས་ཀྱིས
107b3 བཀའ་སྩལ་པ། ། རྡོ་རྗེ་མི་ཕྱེད་ཅེས་བྱར་བརྗོད།། སེམས་དཔའ་སྲིད་པ་གསུམ་གཅིག་པ།། འདིས་ནི་ཤེས་རབ་རིགས་པ་ཡིས།། རྡོ་རྗེ་སེམས་དཔའ་ཞེས་བྱར་བརྗོད།། ཡེ་ཤེས་ཆེན་པོའི་རོས་གང
107b4 བ་སེམས་དཔའ་ཆེན་པོར་བརྗོད་པར་བྱ། ། རྟག་ཏུ་དམ་ཚིག་ལ་སྤྱོད་ཕྱིར།། དམ་ཚིག་སེམས་དཔར་བརྗོད་པར་བྱ།། རྡོ་རྗེ་སྙིང་པོས་གསོལ་པ། མིང་བསྡུས་པ་ནི་ཇི་ལྟ་བུ།། གང་གིས་ཀྱེ་ཡི་རྔོ
107b5 རྗེ་ལགས། ། ཧེ་ཡི་རྣམ་པས་ཅི་ཞིག་བཤད།། བཛྲ་ཡིས་ཀྱང་དེ་བཞིན་ཅི།། བཅོམ་ལྡན་འདས་ཀྱིས་བཀའ་སྩལ་པ།། ཧེ་ནི་སྙིང་རྗེ་ཆེན་པོ་ཉིད།། བཛྲའང་ཤེས་རབ་བརྗོད་པར་བྱ།། ཐབས་དང
107b6 ཤེས་རབ་བདག་ཉིད་རྒྱུད། ། དེ་ནི་ང་ཡིས་བཤད་ཀྱིས་ཉོན།། ལྟ་སྟངས་དགུག་དང་བརྡ་ཆེན་དང་།། དོན་བྱེད་རྣམ་མང་བརྗོད་པ་དང་།། རེངས་པར་བྱེད་དང་སྐྲོད་པ་ཉིད།། སྡེ་རེངས་བྱེད་དང་མངོན
107b7 སྤྱོད་དང་། ། ཇི་ལྟར་རིགས་པར་རྣལ་འབྱོར་མའི།། བསྐྱེད་དང་གནས་དང་བྱེད་རྒྱུ་དང་།། དོན་བྱེད་ཡེ་ཤེས་རྣམ་ཤེས་དང་།། ལྷ་རྣམས་ཇི་ལྟར་འབྱུང་བའོ།། ཧེ་རུ་ཀ་ནི་བསྐྱེད་པའི་རྒྱུ།། དང
iiif viewer powered by OpenSeadragon
