| e-texts navigator |
| Wylie |
106a1 རྡོ་རྗེའི་ཏིང་ངེ་འཛིན་མི་ཤིགས་པར་འགྱུར་བ་མེད་པའི་ཚུལ་གྱིས་ཁྱབ་པར་རྒྱུ་བའོ། ། གནས་ཀྱི་མཁའ་འགྲོ་མ་དང་། ཕོ་ཉའི་མཁའ་འགྲོ་མ་དང་། འཇིག་རྟེན་གྱི་མཁའ་འགྲོ
106a2 མ་དང་། དམ་ཚིག་གི་མཁའ་འགྲོ་མ་དང་། ཤ་ཟའི་མཁའ་འགྲོ་མའི་དབང་ཕྱུག་ཏུ་འགྱུར་རོ།། རྡོ་རྗེ་རིགས་ཀྱི་མཁའ་འགྲོ་ཕོ་ཉ་མོ་དྲུག་ཅུ་རྩ་བཞིས་ཀྱང་འཕྲིན་ལས་ཐོགས་པ་མེད་པར་འགྲུབ
106a3 པར་བྱེད་དོ། ། ཞིང་སྐྱོང་ཆེན་པོ་དང་ཉེ་བའི་ཞིང་སྐྱོང་ཉི་ཤུ་རྩ་བཞི་པོ་དག་གིས་ཀྱང་འཕྲིན་ལས་ཐོགས་པ་མེད་པ་སྒྲུབ་པར་བྱེད་པའོ།། གདུལ་དཀའ་བ་མ་ལུས་པ་འདུལ་ཞིང་འཇིག་རྟེན་གསུམ་ལས
106a4 རྣམ་པར་རྒྱལ་བར་བྱེད་དོ། ། གང་དུ་རྒྱུད་འདི་འཆང་བ་དང་། ཀློག་པ་དང་། འཛིན་པ་དང་། སེམས་པ་དང་། དེ་བཞིན་དུ་གང་གནས་པ་དང་། རྣལ་འབྱོར་དུ་གང་གནས་པ་ལ་ཉེ་བར་སྐྱོབ་པར
106a5 བྱེད་དོ། ། ཉེ་བར་དགོངས་པས་མཁྱེན་པར་འགྱུར་རོ།། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། ས་གསུམ་དུ་སྒྲུབ་པའི་དབང་ཕྱུག་ཏུ་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།།
106a6 དེ་ནས་གཞན་ཡང་བཤད་བྱ་བ།། གསང་བ་མངོན་པར་འབྱུང་བའི་གནས།། དྲང་སྲོང་ཐུབ་པས་ཡང་དག་བསྟན།། ངེས་པར་གསང་བ་འཛིན་གྱུར་པ།། རྒྱལ་བ་ཡོན་ཏན་འབྱུང
106a7 བའི་གཏེར། ། ཡེ་ཤེས་མགོན་པོ་ཆེན་པོ་དང་།། ལས་ཀྱི་མགོན་པོ་དུ་མར་བཅས།། དཔལ་ལྡན་ལྷ་མོ་ནག་མོ་ནི།། འཁོར་བཅས་དཀྱིལ་འཁོར་བསྟན་པ་སྟེ།། སྐལ་ལྡན་ལམ་འདི་འཛིན་པ་གང་།
iiif viewer powered by OpenSeadragon
