| e-texts navigator |
| Wylie |
105b1 རླབས་དང་ལྡན་པར་འགྱུར་རོ། ། དེ་ཉིད་ཀྱང་རིན་པོ་ཆེ་ལས་བྱས་ནས་དེའི་མདུན་དུ་གསོལ་བ་བཏབ་ན་ཟླ་བ་དྲུག་གིས་ངེས་པར་ཡང་འགྲུབ་པར་འགྱུར་རོ།། ཡང་ན་ནག་པོ་ཆེན་པོའི་གསང་སྔགས་སྔོན་དུ
105b2 བྱས་ཏེ་ཤེས་རབ་ཡོངས་སུ་འཛིན་པ་ཁྲི་ཕྲག་གཅིག་བཟླས་ན་ཐོས་པའི་གཟུངས་ཡོངས་སུ་འཛིན་པ་དང་། བློ་ཡོངས་སུ་དག་པ་དང་། མི་བརྗེད་པའི་གཟུངས་ཐོབ་པར་འགྱུར་རོ།། བསྲུང་བས
105b3 སྲུང་ཞིང་བཅིངས་པ་ཐམས་ཅད་ལས་ཡོངས་སུ་གྲོལ་ལོ། ། གང་དུ་སྒྲུབ་པ་པོ་ཕུན་སུམ་ཚོགས་པས་སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྟེན་ལ་རབ་ཏུ་གནས་པ་མཚན་ཉིད་དང་ལྡན་པར་བྱས
105b4 ན་དངོས་གྲུབ་ཐམས་ཅད་འགྲུབ་པ་དང་བར་ཆད་ཐམས་ཅད་ལས་བཟློག་པར་འགྱུར་བ་ཡིན་ནོ། ། ཁྱད་པར་དུའང་གསང་བ་ཆེན་པོའི་དམ་ཚིག་ལ་ངེས་པར་གནས་པ་ཉིད་ཀྱིས་ཕྱོགས་དང་དུས་ཐམས
105b5 ཅད་དུ་ཡེ་ཤེས་ཀྱི་ནག་པོ་ཆེན་པོས་རྗེས་སུ་སྐྱོང་བ་དང་། རྒྱང་རིང་པོ་ནས་ཀྱང་ངེས་པར་གཟིགས་པར་མཛད་དོ།། འཇིགས་པ་ཐམས་ཅད་ལས་རབ་ཏུ་སྒྲོལ་བར་འགྱུར་རོ།། སྟོབས་དང
105b6 ཚེ་དང་། དཔལ་རབ་ཏུ་སྟེར་ཅིང་མི་ཟད་པའི་ཡེ་ཤེས་ཐོབ་པར་བྱེད་པ་དང་། ཉམ་ང་བ་དང་བག་ཚ་བ་མེད་པར་སེང་གེའི་སྟོབས་ཀྱིས་རྒྱུ་ཞིང་། བདུད་ཀྱི་རིས་ཀྱི་ཕྱོགས་མ་ལུས་པ་ཕམ་ཞིང་སྐྲག
105b7 སྟེ་འགས་པ་ཙམ་བྱེད་པར་འགྱུར་ཞིང་རྒྱ་མཚོ་ཆེན་པོའི་མཐར་ཐུག་པར་འབྱེར་བར་འགྱུར་རོ། ། གང་གིས་གཏུམ་པ་དང་། དཔའ་བ་དང་། དྲག་པོའི་བརྟུལ་ཞུགས་ཀྱིས་ཀུན་ཏུ་སྤྱོད་ལ
iiif viewer powered by OpenSeadragon
