| e-texts navigator |
| Wylie |
104b1 མྱུར་དུ་བསྐྱོད་པ་རླུང་དང་། མེ་དང་། ཆུ་བསྣོལ་མ་རྣམ་པར་འཁྲུག་པར་བྱེད་དོ།། དེ་ནས་ཡང་ཁ་སྦྱར་དབྱེ་བའི་ལས་དག་གིས་ཕ་རོལ་གྱི་སྡེ་དག་གི་ལུས་དང་། ངག་དང་། སེམས་ཀྱི་དབྱེ་བས་ཕྱག་རྒྱ་དང་།
104b2 གསང་སྔགས་དང་། ཏིང་ངེ་འཛིན་གྱིས་བསྐུལ་ནས་ལན་བདུན་མྱུར་དུ་འགྲུབ་པར་འགྱུར་རོ།། གལ་ཏེ་ཀླུའི་དུག་གིས་གཟས་པ་པོ་འཛིན་དུ་འཇུག་པར་འདོད་ན་ཏི་ཐ་ལའི་འབྲུ་ལ་བྱས་པའི་དུག་སྦྲུལ་གྱི་གཟུགས
104b3 མགོ་གསུམ་པ་ལྕེ་བརྒྱད་པ་འམ། ཅི་རིགས་སུ་བྱས་པ་དེའི་ཁའི་ནང་དུ་གང་ལ་དམིགས་པའི་རྫས་དེ་མིང་དང་བཅས་པས་ཀླུ་གནས་པའི་ཕྱོགས་སུ་བཏང་ན་སྦྲུལ་གྱིས་འཛིན་པའི་ལས་བྱེད་དོ།། མ་ཧེ་དང་རྟའི
104b4 འཁྲུལ་འཁོར་འབྱུང་པོའི་ཉི་མ་ལ་ས་ཏི་ཙའི་ཁུ་བས་བྲིས་ཏེ། དེ་ཉིད་ཀྱི་ཤ་ཁྲག་དང་བཅས་པས་བསྐུལ་བར་གྱུར་ན་ནི་ཤིན་ཏུ་འཁྲུག་ཅིང་འབྱེ་བར་འགྱུར་རོ།། ཡང་ན་བི་ཏ་ན་རོ་པ་ལ་ཏྲེ་ཞེས་བྱ་བའི་ཚེ
104b5 གའི་ཐབས་ཀྱིས་བགེགས་ཆེན་པོ་བསྐལ་བའི་གཟུགས་ལ་བརྗེན་ནས་ཆོ་ག་ཕྱག་མཚན་དག་བཙུགས་ཏེ་ལས་སུ་བྱའོ། ། ཡང་ནས་ནག་པོ་གྲུ་གསུམ་པ་ལ་ནག་པོའི་ཆོག་འབྲིར་རྣས་པ་དང་མ་དུ་སྨྲས་པདག་རྗོད
104b6 དེ། ཕ་རོལ་རྒོལ་བའི་ཕྱོགས་སུ་བསྐྱལ་ན་ནི་མྱུར་དུ་ཡུལ་དང་བཅས་པ་རླག་པར་བྱེད་དོ།། ཤ་ཟ་ཆེན་པོའི་གཟུགས་ཤིན་ཏུ་འཇིགས་པ་ཁ་གདངས་པ་ནག་པོ་གྲི་གུག་དང་ཞག་པ་ཐོག་པ་མདུན་དུ་དམིགས་ལ།
104b7 ཕུར་བུས་བཏབ་པ་དང་བཅས་པའི་ཐབས་ཀྱིས་ཕ་རོལ་གྱི་དཔུང་གཡོ་བ་དང་བཅས་པ་ཐོག་པར་བྱེད་དོ།། གཏོར་མ་ཆེན་པོ་བྱས་ཏེ་ཡང་གཏོར་ན་གཡུལ་བཤམས་པ་ལས་རྣམ་པར་རྒྱལ་བར་བྱེད་དོ།།
iiif viewer powered by OpenSeadragon
