| e-texts navigator |
| Wylie |
100b1 ཤེས་པ་ཡིས། ། ཚར་གཅད་ཕན་གདགས་ལས་རྣམས་སྤྱད།། གསང་སྔགས་ཡི་གེའི་འཁོར་ལོ་ནི།། མགལ་མེ་བཞིན་དུ་བསྐོར་བར་བྱ།། དེ་ལྟར་དུས་བཞིར་བསྒྲུབ་པར་འགྱུར།། དེས་ནི་ཉེ་བར་འགྲུབ
100b2 པར་འགྱུར། ། དེས་ཀྱང་གྲུབ་པར་མ་གྱུར་ན།། རང་ཉིད་ཡེ་ཤེས་ནག་པོ་ཡིས།། གདུག་པ་འདུལ་བར་བསམས་ནས་ནི།། ལས་བྱེད་མགོན་པོའི་སྲོག་རྩ་འཕྲོག། དེ་ལྟར་བསྐུལ་བས་ལས་ལ་སྦྱོར།།
100b3 གཟས་པ་པོ་དེ་སྒྲོལ་བར་བྱེད།། གལ་ཏེ་ལས་ལ་འགྱངས་པ་ན།། སྲོག་གི་ཐིགས་པ་བླང་བ་དང་།། གསང་སྔགས་སྙིང་པོ་གོ་བཟློག་ཅིང་།། ལྟོ་བ་དཀྲུགས་པའི་ལས་བྱས་ན།། ཤིས་བསྟན་པར་འགྱུར།
100b4 བསྟེ།། སྲོག་ནི་དམར་ལེན་བྱེད་པར་འགྱུར།། མ་རུངས་འདུལ་བའི་ལས་འདི་དག། སངས་རྒྱས་བསྟན་པ་བསྲུང་བ་ལས།། གཞན་དུ་བྱས་ན་ཉེས་པར་འགྱུར།། སྦྱིན་སྲེག་དང་ནི་མནན་པ་དང་།།
100b5 དེ་བཞིན་ཟོར་དགྱེ་ལས་བྱ་བ།། གསད་པ་རང་གཤེད་གནད་ལ་དབབ།། དེ་ལས་མྱུར་བར་རྟགས་བྱུང་ཚེ།། ཐུགས་དམ་བསྐང་ཞིང་གཏོར་མ་འབུལ།། ཚོགས་ཀྱི་འཁོར་ལོའི་མཆོད་པ་དང་།། རྣལ
100b6 འབྱོར་ནར་མར་འགྲུབ་པར་འགྱུར། ། དཔལ་མགོན་པོ་ཆེན་པོ་དངོས་གྲུབ་འབྱུང་པོའི་རྒྱུད་ལས། ལས་ཉེ་བར་སྒྲུབ་པར་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། ། དེ་ནས
100b7 གཞན་ཡང་བཤད་པར་བྱ། ། དཔལ་ལྡན་ལྷ་མོ་འཁོར་དང་བཅས།། ནག་མོ་མངོན་པར་འབྱུང་བ་ཡི།། ལས་ཀྱི་དངོས་གྲུབ་ཆོ་ག་བཤད།། དམ་ཚིག་གསང་བའི་སྔགས་པ་ཡིས།། བྲག་ནག་རྩེ
iiif viewer powered by OpenSeadragon
