| e-texts navigator |
| Wylie |
100a1 བྱེད། ། འདི་དག་གསང་སྔགས་མ་ཡེངས་བཟླས།། དུས་གསུམ་དག་ཏུ་ཏིང་འཛིན་འབད།། རྩ་བའི་སྔགས་ནི་སྲོག་ཡིན་ཏེ།། གསུང་གི་དངོས་གྲུབ་སྙིང་པོ་ཡིན།། ཉེ་བའི་སྙིང
100a2 པོས་ཐུགས་བསྐུལ་བའོ། ། ཡེ་ཤེས་ས་བོན་མི་ཤིགས་པ།། དངས་མའི་གནས་པར་དེ་བཤད་དོ།། སྐུ་གསུང་ཐུགས་དང་ཡོན་ཏན་ལས།། རིམ་པར་བཟླས་པས་བསམ་གཏན་འགྲུབ།། རྟགས
100a3 རྣམས་ཉེ་བར་མ་བྱུང་ན། ། འབད་པས་བསྟེན་ཅིང་མཆོད་པར་བྱ།། གཞན་དུ་འགྲུབ་པར་མི་འགྱུར་རོ།། ཨོཾ་མ་ཧཱ་ཀཱ་ལ་གུ་ཎ་ཧྲི་ད་ཧཱུཾ་ཕཊ། ཨོཾ་མ་ཧཱ་ཀཱ་ལ་ཏྲ་ག་ཤད་ཛཿམ་ཧཱ་ཀཱ་ལ་སིདྡྷི་ཡི་དུ་ཛ། ཨཱ་ལི་ཀཱ་ལི
100a4 མཉམ་ལྡན་པའི། ། རྩ་བརྒྱད་འཕྲེང་བ་རབ་ཏུ་བསྒྲགས།། རིམ་པར་བྱིན་རླབས་ལྡན་བྱའི་ཕྱིར།། བཟླས་པ་བརྒྱ་རྩ་བརྒྱད་དུ་བྱ།། བགྲང་འཕྲེང་ནུས་པར་ལྡན་པ་ཡིས།། ལས་ནི་མྱུར་བར་ཤེས་པ
100a5 ཡིན། ། ཤེལ་གྱིས་ཞི་བ་ཆེན་པོ་འགྲུབ།། མུ་ཏིག་གིས་ནི་རྒྱས་པ་ལ།། དྲེང་པོའི་སོ་ཡིས་གསད་པ་འགྲུབ།། དེ་གཉིས་འགྱུར་བ་བོང་བུའི་སོ།། སྡང་དང་བསྐྲད་པ་རྔ་མོའོ་སོ།། ཀ་སོགས་རྣམ
100a6 ངག་ཡུམ་བཅུ་དྲུག། བྱིས་པ་འཚོ་བྱེད་དབང་སོགས་ལ།། དབྱངས་དང་གསལ་བྱེད་རྣམས་བསྲེས་པས།། བཞི་ཡིས་ལྷག་པའི་པད་འབྲས་ཤིང་།། ལུང་ཏང་དམར་པོ་བདུན་གཅིག་དྲུག། ཡང
100a7 ན་ཙན་ངན་འབྲུ་དགུ་འམ། ། རྒྱུ་སྐར་ཕྱེད་པོས་གྲངས་མཉམ་པས།། ལུང་ཏང་ནག་པོས་རྨོངས་བྱེད་ནུས།། དབྱངས་དང་གསལ་བྱེད་ཕྱེད་སྦྱངས་པས།། རུ་རག་ཤ་ནི་མངོན་སྤྱོད་ལ།། དེ་ལྟའི་ཆོ་ག
iiif viewer powered by OpenSeadragon
