| e-texts navigator |
| Wylie |
491b1 ཆོས་དབྱིངས་ཏེ། ། ག་པུར་ཐབས་ཀྱི་ཡེ་ཤེས་བཞི།། རྩ་ནི་འོག་མིན་གནས་ཡིན་ཏེ།། དགའ་བ་མཆོག་དགའ་བྱང་ཆུབ་ཕྱོགས།། རང་བཞིན་དགའ་བ་ཆོས་སྐུ་སྟེ།། བྲལ་བའི་དགའ་བ་གཟུགས་སྐུ་གཉིས།། བཅུ་དྲུག
491b2 སྟོང་པ་བཅུ་དྲུག་གོ། རྒྱུད་ཀྱི་ཚུལ་དུ་སྒྱུ་མ་ཙམ།། གང་ཞིག་རང་རིག་འདོད་པས་ཀྱང་།། དང་པོར་ངོ་བོར་ཤེས་བྱ་སྟེ།། དེ་ནས་དེ་ཉིད་ཤེས་པར་བྱ།། གལ་ཏེ་དེ་ཉིད་མི་ཤེས་པར།། ཟབ་མོའི་ལམ་ཉིད་སྒོམ་བྱེད་ན།།
491b3 འབྲས་བུ་མེད་ཅིང་རླག་པར་ངེས།། ལྷ་ཡི་དེ་ཉིད་མ་ཤེས་ན།། དུར་ཁྲོད་གནས་པའི་སྲིན་པོ་འདྲ།། དེ་བཞིན་དུར་ཁྲོད་སྲིན་མོ་འདྲ།། སྤྱོད་པའི་དེ་ཉིད་མ་ཤེས་ན།། གྲོང་ཁྱེར་གནས་པའི་སྨྱོན་པ་འདྲ།། ཁྱི་ཕག་སྲིན
491b4 པོ་རཀྵ་འདྲ། ། ཕྱག་མཚན་དེ་ཉིད་མ་ཤེས་ན།། བརྒྱ་བྱིན་ལག་ན་མཚོན་ཐོགས་འདྲ།། ཕྱག་རྒྱའི་དེ་ཉིད་མ་ཤེས་ན།། རྒྱལ་པོ་ཕང་གི་བཙུན་མོ་འདྲ།། རླུང་གི་དེ་ཉིད་མ་ཤེས་ན།། བརྒྱ་བྱིན་སྤྱི་བོའི་དུད་པ་འདྲ།
491b5 ཡི་དེ་ཉིད་མ་ཤེས་ན།། ཙན་དན་ཤིང་གི་སྦྲུལ་སོགས་འདྲ།། ལུས་ཀྱི་གཉེར་མ་དག་དང་འདྲ།། ལུས་ཀྱི་དྲི་མ་ཆུ་དང་འདྲ།། ཐིག་ལེའི་དེ་ཉིད་མ་ཤེས་ན།། ཙན་དན་ཤིང་གི་འཛེར་པ་འདྲ།། འཁོར་ལོའི་དེ་ཉིད
491b6 མ་ཤེས་ན། ། བརྒྱ་བྱིན་ལག་ན་འཁོར་ལོ་འདྲ།། དེ་བཞིན་སྲིད་པའི་འཁོར་ལོ་འདྲ།། པདྨའི་དེ་ཉིད་མ་ཤེས་ན།། འདམ་བུ་ཚལ་གྱི་པདྨ་འདྲ།། སྟུག་པོའི་དེ་ཉིད་མ་ཤེས་ན།། མཆོད་རྟེན་གྱི་ནི་འཁོར་ལོ་འདྲ།། ཁ
491b7 སྦྱོར་དེ་ཉིད་མ་ཤེས་ན། ། ཐལ་མོ་གཡས་གཡོན་སྦྱར་བ་འདྲ།། གནས་ཀྱི་དེ་ཉིད་མ་ཤེས་ན།། འཁོར་ལོ་སྒྱུར་རྒྱལ་ཕོ་བྲང་འདྲ།། བྱང་སེམས་དེ་ཉིད་མ་ཤེས་ན།། མི་གཙང་སྒོ་ཡི་ལུད་པ་འདྲ།། སིཧླའི་དེ་ཉིད
iiif viewer powered by OpenSeadragon
