| e-texts navigator |
| Wylie |
469a1 སི་རུ་སྟོབས་ཆེན་ཡེ་ཤེས་རྒྱལ།། མ་རུ་འཁོར་སྒྱུར་ཆགས་པའི་རྒྱལ།། ཀུ་རུ་བརྩོན་འགྲུས་མཁའ་འགྲོ་སྡོམ།། དེ་དག་གཏད་དོ་ལེགས་པར་སྤོས།། ནང་དུ་ཙཎྜ་ལི་དག་ནི།།
469a2 བཞི་ནི་གཏད་པ་སྟེ།། དང་པོ་གསང་བ་གཉིས་པ་ཡང་།། རང་བཞིན་ཡིན་ཏེ་དེ་ནས་དབང་།། རྐྱེན་ནི་ཐམས་གསུངས་པ་སྟེ།། མཁའ་འགྲོ་ཁྱེད་ཀྱི་རང་བཞིན་ཏེ།། དེ་ནས་དངོས་གྲུབ་གང་འདོད་སྦྱིན།།
469a3 དངོས་གྲུབ་དམ་པ་གང་འདོད་པ།། དབང་དང་དམ་ཚིག་ལྡན་བྱས་ཏེ།། རྟ་དང་གླང་པོ་ལ་སོགས་དང་།། བུ་དང་ཆུང་མ་ནོར་གྱི་དབྱིག། བསྙེན་བཀུར་དག་གིས་བསྙེན་བྱས་ཏེ།། བདུད་རྩིའི་རོ་ཡི་ར་ལི་ལས།། བླ་མའི
469a4 ཞལ་ནས་དངོས་གྲུབ་བླང་། ། ཡིད་ལ་ཟུང་ལ་དྲན་པར་གྱིས།། དེ་ནས་འཁོར་འདུས་པ་དེ་དག་ཐམས་ཅད་རྗེས་སུ་ཡི་རང་བར་གྱུར་ཏོ།། སྐུ་གསུང་ཐུགས་ཀྱི་རང་བཞིན་དཔལ་ནམ་མཁའ་དང་མཉམ
469a5 པའི་རྒྱུད་ཀྱི་རྒྱལ་པོ་ཞེས་བྱ་བ་རྫོགས་སོ། ། ། པཎྜི་ཧ་ག་ཡ་དྷ་ར་དང་། དགེ་སློང་ཤཱཀྱ་ཡེ་ཤེས་ཀྱིས་ཞུས་ཤིང་བསྒྱུར་བའོ།།
469a6 རྒྱ་གར་སྐད་དུ། ཤྲཱི་མ་ཧཱ་ཁ་ས་མ་ཏནྟྲ་རཱ་ཛ། བོད་སྐད་དུ། དཔལ་ནམ་མཁའ་དང་མཉམ་པ་ཆེན་པོའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཛྲ
469a7 པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ།། གཞན་ཡང་དཔའ་བོ་དང་། མཁའ་འགྲོ་མ་གྲངས
iiif viewer powered by OpenSeadragon
