| e-texts navigator |
| Wylie |
449a1 མཁན་སློབ་ཚུལ། ། གཞན་གྱིས་མི་རིག་ངོ་ཚ་བསྲུངས།། དབེན་པའི་གནས་སུ་སྦྱོར་བ་བྱ།། གལ་ཏེ་མ་བསྙེན་དམ་ཚིག་ཉམས།། ཚེ་འདི་ཉིད་ལ་དམྱལ་བར་ལྷུང་།། ལྷ་མོས་གསོལ
449a2 པ་བཅོམ་ལྡན་འདས། ། ཐབས་མེད་རྣལ་འབྱོར་ཇི་ལྟར་ལགས།། བདེ་བ་ཁྱབ་མེད་ཇི་ལྟར་ལགས།། ཕྱག་རྒྱ་མ་བསྟེན་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། བདེ་བ་ལ་གནས
449a3 གསང་བའི་དོན། ། ཁྱོད་ཀྱི་ངོར་མཛད་ང་ཡིས་བཤད།། སྦྱོར་ཐབས་མི་ཤེས་རྣལ་འབྱོར་དང་།། སྙན་ཡང་གཅིག་ལ་མི་འདུག་སྟེ།། འདོད་ཆགས་བསམ་པ་ཡང་མི་བྱ།། གལ་ཏེ་དེ་འདྲ་བསྟེན
449a4 གྱུར་ན། ། འཇིག་རྟེན་ཕལ་པའི་འདོད་ཆགས་ཏེ།། ཤི་ནས་མནར་མེད་དམྱལ་བར་སྐྱེ།། འདོད་ཆགས་སྤྱོད་པ་ཤལ་མ་རི།། ལྕགས་ཀྱི་སོར་ནི་བཅུ་དྲུག་པ།། ཡ་ར་ལ་འཛེག་ཅིང་མར་ལ་འབབ།
449a5 ཐབས་མེད་རྣལ་འབྱོར་འདྲ་བ་འབོད།། དེ་ཕྱིར་སྦྱོར་ཐབས་མཁས་པས་བསྟེན།། སྦྱོར་ཐབས་ལས་ནི་བདེ་བ་སྐྱེ།། དེ་ཕྱིར་བདེ་བ་ཁྱད་པར་འཕགས།། བདེ་བ་ཐབས་མེད་ལུས་ཟུངས་ཉམས།། རླུང་མཁྲི།
449a6 བད་ཀན་ཀུན་ནས་སྐྱེ།། ལས་ཀྱི་ཕྱག་རྒྱ་རྟག་ཏུ་བསྟེན།། ཕྱག་རྒྱ་མ་བསྟེན་དམ་ཚིག་ཉམས།། ཕྱག་རྒྱ་བསྟེན་པའི་དུས་སུ་ཡང་།། རྣལ་འབྱོར་མིང་སྲིང་བརྡ་ཡིས་མཚོན།། གང་ཞིག་མཛུབ་མོ་སྟོན་པ
449a7 མའོངས་སམ་ཞེས་ནི་འདྲི་བ་ཡིན། ། སོར་མོ་གཉིས་ནི་སྟོན་པ་དང་།། མཐེ་བོང་དྲང་པོར་སྟོན་པ་དང་།། དེ་བཞིན་སྲིན་ལག་དྲང་པོར་སྟོན།། རྡོ་རྗེ་བོ་ལ་ཞེས་བྱ་སྟེ།། པདྨ་ཀཀྐོ་ལ་ཞེས་བྱ།། དེ་ལྟར
iiif viewer powered by OpenSeadragon
