| e-texts navigator |
| Wylie |
448a1 དབུས་གང་དུ། ། བདེ་བའི་ཁྱད་པར་འཚོལ་བ་ལ།། འདི་ལས་ཁྱད་པར་མེད་དམ་ཅི།། བཅོམ་ལྡན་འདས་ཀྱིས་བཀའ་སྩལ་པ།། ཤིན་ཏུ་དབེན་པའི་གནས་བཙལ་ལ།། བཟའ་བ་བཅུད
448a2 ཅན་སྣ་ཚོགས་དང་། ། བཏུང་བ་ཞིམ་པོ་མང་པོ་དང་།། གུར་ཀུམ་ལ་སོགས་དྲི་ཞིམ་དང་།། ཤིན་ཏུ་འཇམ་པའི་སྙན་བཏིང་ལ།། རྣལ་འབྱོར་མ་ཡི་གནས་བཅུ་རུ།། དྲི་ཞིམ་ཐིག་ལེ་རེ་རེ་བྱ།། རྣལ་འབྱོར་པ་ཡི
448a3 གནས་ལྔ་རུ། ། དེ་བཞིན་ཐིག་ལེ་ལྔ་ཡང་བྱ།། དེ་ནས་མཁའ་གསང་བྱིན་གྱིས་བརླབས།། ཨེ་ལས་གྲུ་གསུམ་གཏིང་རིང་བསམ།། དེ་ཡི་ནང་དུ་པཾ་ལས་ནི།། པདྨ་འདབ་མ་བརྒྱད་དུ་བསམ།། དེ་ཡི་དབུས
448a4 སུ་འཁོར་ལོ་བསམ། ། འཁོར་ལོའི་དབུས་སུ་རེག་མི་བཟོད།། དེ་ནས་ཐབས་ཀྱི་རྡོ་རྗེ་ཡང་།། ཧཱུཾ་ལས་རྡོ་རྗེ་རྩེ་ལྔ་བསམ།། ཨོཾ་ལས་རྡོ་རྗེ་མགོ་བོར་བསམ།། ཕཊ་ལས་རྡོ་རྗེ་བྷ་ག་བསམ།། དེ་ནས་བདེ་བའི་སྟན
448a5 ཐོག་ཏུ། ། སྦྱོར་བ་རྣམ་པ་གསུམ་བྱ་སྟེ།། ཡན་ལག་ཐབས་དང་སྦྱོར་བ་དངོས།། འཁོར་ལོ་ཉི་ཤུ་རྩ་དགུ་འམ། ཆགས་པ་སྐྱེ་བའི་དྲི་ཡིས་བྱུགས།། བདེ་བ་སྐྱེ་བའི་ཟས་ཟོས་ནས།། བདེ་བའི་སྟན་ལ་འདུག་ནཱ
448a6 ནི། ། ཐབས་ཀྱིས་གནས་དགུར་འོ་ཡང་བྱ།། ཤེས་རབ་ཀྱིས་ཀྱང་གནས་ལྔར་བྱ།། ཐབས་ཀྱིས་ཤེས་རབ་པདྨ་ལ།། འོ་བྱས་པདྨ་རྒྱས་སུ་གཞུག། ཤེས་རབ་ཀྱིས་ཀྱང་དེ་བཞིན་ནོ།། ཆགས་པ་སྐྱེ་བའི
448a7 རྟགས་འབྱུང་སྟེ། ། དེ་ནས་གཅིག་གིས་གཅིག་ལ་བྱུད་ནས།། ཧེ་རུ་ཀ་དང་ཕག་མོར་བསམ།། ཤེས་རབ་རྐང་པ་གཉིས་བརྐྱང་ནས།། ཐབས་ནི་ཐབས་ལྡན་གྱིས་བསྐྱོད་ནས།། ནང་རྟགས་ཕྱི་རུ་བསྟན་པའི་ཕྱིར།།
iiif viewer powered by OpenSeadragon
