| e-texts navigator |
| Wylie |
447a1 བདག་གིས་ཟབ་མོའི་དོན་མ་རྟོགས། ། དེ་ཕྱིར་ཁྱེད་ཀྱིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ལྷ་མོ་སྤྱན་བཟང་རིང་།། གསང་བའི
447a2 འཁོར་ལོ་ཤིན་ཏུ་ཟབ། ། རྒྱུད་རྣམས་ཀུན་ཏུ་མ་གསུངས་པ།། ཁྱོད་ཀྱི་ངོར་མཛད་ང་ཡིས་བཤད།། གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་གླེང་བསླང་བའི་ལེའུ་སྟེ་དང་པོའོ།། །
447a3 ལྷ་མོས་གསོལ་པ་བཅོམ་ལྡན་འདས།། གསང་བ་ཞེས་བྱ་ཇི་ལྟར་ལགས།། དེ་ཡི་འཁོར་ལོ་ཇི་ལྟར་ལགས།། དེ་ཡི་རྡོ་རྗེ་ཇི་ལྟར་ལགས།། དེ་ཡི་པདྨ་ཇི་ལྟར་ལགས།། བཅོམ་ལྡན་འདས
447a4 ཀྱིས་བཀའ་སྩལ་པ། ། གསང་བ་ཞེས་པ་རྣམ་པ་བཞི།། གསང་བའི་ཕོ་བྲང་དང་པོ་སྟེ།། དེ་ནས་གསང་བའི་དབང་བསྐུར་ཕྱིར།། གཉིས་པ་རིག་པའི་ཕོ་བྲང་སྟེ།། བཞི་པའི་དོན་ནི་རིག་པའི་ཕྱིར།།
447a5 གསུམ་པ་རྟ་མགྲིན་འཁོར་ལོ་སྟེ།། དེ་ཡི་མགྲིན་པར་གནས་པའི་ཕྱིར།། བཞི་པ་གསང་བ་བདེ་སྐྱོང་སྟེ།། སྡིག་པ་སྤོང་ཕྱིར་བདེ་སྐྱོང་ཡིན།། དེ་རྣམས་དོན་ནི་གསང་བ་སྟེ།། བརྟུལ་བཞུགས་བྱེད་ཅིང
447a6 གཏོང་ཕོད་ཆེ། ། ཨེ་བཾ་ཟབ་ཅིང་ཆགས་ལ་དགའ།། ཁུ་བ་འཛག་ཅིང་རཀྟ་འབབ།། འདི་ལ་སྟོན་གྱི་གཞན་ལ་གསང་།། རྡོ་རྗེ་པདྨ་ཞེས་བྱ་བ།། བཞི་པོ་གནས་པའི་རྟེན་ཡིན་ཏེ།། དཔེར་ན་ཁང་རྟེན་ཀ་བ
447a7 བཞིན། ། རྒྱུད་ཀྱི་དོན་ནི་རྒྱུན་ཡིན་ནོ།། གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་རྟོག་པ་སེལ་བའི་ལེའུ་སྟེ་གཉིས་པའོ།། ། ལྷ་མོས་གསོལ་པ་བཅོམ་ལྡན་འདས།། རེ་རེའི་དབྱེ་བས་མ་འཚལ
iiif viewer powered by OpenSeadragon
