| e-texts navigator |
| Wylie |
305a1 ཆོས་མར་བརྗོད་པ་ནི། ། སེམས་ཅན་ཐམས་ཅད་འཚེད་པའི་ཕྱིར།། བཙོ་བླག་མ་ཞེས་དེ་བཞིན་བརྗོད།། ཡོན་ཏན་འཇོ་བར་གསུངས་པའི་ཕྱིར།། ཤེས་རབ་བུ་མོར་བརྗོད་པར་བྱ།། སྙི
305a2 རྗེ་ཆེན་པོས་གཡོ་བའི་ཕྱིར། ། ཤེས་རབ་གར་མར་བརྗོད་པར་བྱ།། གང་ཕྱིར་བཅོམ་ལྡན་མི་རེག་པ།། དེ་ཕྱིར་གཡུང་མོར་བརྗོད་པར་བྱ།། ཨཱ་ལི་ཀཱ་ལི་རབ་སྨྲས་པས།། བཟླས་པ་སྨྲ་བར་ཡང་དག
305a3 བཤད། ། རྐང་པའི་རྗེས་ནི་དཀྱིལ་འཁོར་ཡིན།། ཉེད་ཕྱིར་དཀྱིལ་འཁོར་བརྗོད་པར་བྱ།། ལག་པ་བསྒྱུར་བ་ཕྱག་རྒྱ་ཡིན།། སོར་མོ་ཉེད་པའང་དེ་བཞིན་ནོ།། གང་ཕྱིར་རྣམ་སེམས་བསམ་གཏན་ནི
305a4 གང་སེམས་དེ་ནི་བསམ་གཏན་ནི། ། ཕ་ལས་བདེ་བ་གང་ཐོབ་པ།། དེ་ཡི་བདེ་བ་རང་གིས་བརྡལ།། བདེ་བ་གང་གིས་འཆིང་བ་འདིར།། དེ་ཡི་བདེ་བ་བསམ་གཏན་བརྗོད།། བརྗོད་པར་བྱ་བ་དང་རྗོད་པར་བྱེད་པའི་བྱང་ཆུབ་ཀྱི་སེམས
305a5 བསྐྱེད་པ་ལ་སོགས་པའི་སྒོམ་པའི་དེ་ཁོ་ནའི་རབ་ཏུ་བྱེད་པ་སྟེ་དང་པོའོ། ། ། དེ་ནས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བཤད་པར་བྱའོ།། ནང་གི་ལུས་དང་། ཕྱིའི
305a6 ལུས་དང་། ཕྱི་ནང་གཉིས་ཀའི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པའི་ཕྱིར་ཡང་དག་པར་རབ་ཏུ་ཤེས་ཏེ། མ་རིག་པ་ལ་སོགས་པས་ཡིད་གཉིས་སུ་གྱུར་པའི་འདུལ་བའི་འཇིག་རྟེན་ལ
305a7 དྲན་པ་དང་ལྡན་པའོ། ། ནང་གི་ཚོར་བ་དང་།། ཕྱིའི་ཚོར་བ་དང་། ཕྱི་ནང་གཉིས་ཀའི་ཚོར་བ་རྣམས་ལ་ཚོར་བའི་རྗེས་སུ་ལྟ་ཞིང་གནས་པའི་ཕྱིར་ཡང་དག་པར་རབ་ཏུ་ཤེས་ཏེ། མ་རིག་པ་ལ་སོགས
iiif viewer powered by OpenSeadragon
