| e-texts navigator |
| Wylie |
304b1 དེ་བཞིན་སླར་ཡང་གཤེགས་པ་ཉིད། ། འདིས་ནི་ཤེས་རབ་རིག་པས་ནི།། དེ་བཞིན་གཤེགས་པར་མངོན་པར་བརྗོད།། རིགས་ནི་རྣམ་པ་ལྔ་རུ་གསུངས།། རིགས་ནི་བརྒྱ་དང་མཐའ་ཡས་དང་།། སྐུ
304b2 གསུང་ཐུགས་ཀྱི་དསྣརེ་ཡིས། ། ཕྱི་ནས་རྣམ་པ་གསུམ་དུ་འགྱུར།། རིགས་དང་འབྱུང་བ་ལྔ་རྣམས་དང་།། ཕུང་པོ་ལྔ་ཡི་རང་བཞིན་གྱིས།། རྡོ་རྗེ་རིན་ཆེན་པད་ནོར་བུ།། འཛིན་པའི་རིམ་པའི་རིགས་རྣམ
304b3 སོ། ། སྒོམ་པ་པོ་མེད་བསྒོམ་བྱ་མེད།། སྔགས་མེད་ལྷ་ཡང་ཡོད་མ་ཡིན།། སྤྲོས་པ་མེད་པའི་རང་བཞིན་ལས།། སྔགས་དང་ལྷར་ནི་ཡང་དག་གནས།། རྣམ་སྣང་མི་བསྐྱོད་དོན་ཡོད་དང་།། རིན་ཆེན
304b4 དཔག་མེད་སེམས་དཔའ་འོ། ། ཚངས་པ་ཁྱབ་འཇུག་ཞི་བ་དང་།། ཐམས་ཅད་སངས་རྒྱས་དེ་ཉིད་བརྗོད།། ཚངས་པ་སྒྲིབ་བྲལ་སངས་རྒྱས་ཉིད།། འཇུག་ཕྱིར་ཁྱབ་འཇུག་བརྗོད་པར་བྱ།། ཞི་བ
304b5 རྟག་ཏུ་དགེ་བ་སྟེ། ། ཐམས་ཅད་ཀུན་གྱི་བདག་ཉིད་གནས།། དམ་པའི་བདེ་བས་དེ་ཉིད་དེ།། དགའ་བ་རྟོགས་ཕྱིར་རྣམ་སངས་རྒྱས།། གང་ཕྱིར་ལུས་ལས་བྱུང་བའི་ཕྱིར།། ལྷ་ཞེས་མངོན་པར
304b6 བརྗོད་པར་བྱ། ། འདྲི་ལ་བྷ་ག་མངའ་བའི་ཕྱིར།། བཅོམ་ལྡན་འདས་ཞེས་བརྗོད་པར་བྱ།། བྷ་ག་རྣམ་པ་དྲུག་ཏུ་བརྗོད།། དབང་ཕྱུག་ལ་སོགས་ཡོན་ཏན་ཀུན།། ཡང་ན་ཉོན་མོངས་ལ་སོགས་པ།
304b7 འཇོམས་པའི་ཕྱིར་ནི་བཅོམ་ལྡན་འདས།། གང་ཕྱིར་སྐྱེ་འགྲོ་བསྐྱེད་པའི་ཕྱིར།། ཤེས་རབ་མ་ཞེས་བརྗོད་པར་བྱ།། གང་ཕྱིར་བསྐལ་བ་སྟོན་པའི་ཕྱིར།། ཤེས་རབ་དེ་ཉིད་སྲིང་མོ་ཉིད།། ཤེས་རབ
iiif viewer powered by OpenSeadragon
