| e-texts navigator |
| Wylie |
303b1 གི་དབུས་སུ་རྟག་གནས་ཤིང་། ། འོད་ཟེར་ལྡན་ཞིང་གཟི་བརྗིད་ཆེ།། བཅུ་གཉིས་མཐའ་དང་དགུ་ཡི་མཐར།། རྐང་མཐིལ་མགོ་བོ་མེད་པར་ནི།། ཐག་པ་གཅིག་ནི་རྣམ་ཕྱུང་ནས།། ལྟེ་བའི་དབུས་སུ་རྣམ
303b2 པར་གནས། ། ཆ་ནི་ལྔ་པ་ཙམ་ཉིད་ནི།། ཀླུ་དབང་དབྱིབས་སུ་རྒྱས་པ་ལ།། དེ་ཡི་ཆ་ཡང་ཕྱེད་ནས་ནི།། རྡོ་རྗེའི་དབུས་སུ་རྣམ་ཕྱུང་སྟེ།། སྐྱེ་གནས་དབུས་སུ་ས་བོན་གནས།། ཆོས་དབྱིངས་ཁུ་བར
303b3 བྱས་ནས་ནི། ། སྒོ་ནི་དགུ་པོ་ཐམས་ཅད་དུ།། དེ་ནི་རིམ་པས་འཕོ་བར་འགྱུར།། དེ་བཞིན་མེ་ནི་ཚངས་པའི་དངོས།། ས་ཡི་ས་བོན་གཉིས་ཀྱིས་ནི།། མིག་ལ་དེ་ཉིད་སྦྱར་བར་བྱ།། རླུང་གི་སྦྱོང
303b4 སོགས་ས་བོན་གྱི། ། སེམས་ཀྱིས་སྣ་དང་རྣ་བ་སོགས།། བདུད་རྩི་ཆུ་ཡི་ས་བོན་ལྕེ།། དབང་པོར་གཙོ་བོ་དབང་ཕྱུག་ཉིད།། མགྲིན་པར་གཏི་མུག་ས་བོན་ཏེ།། ལག་པར་ཉོན་མོངས་དེ་བཞིན་ནོ།།
303b5 གཡོ་བ་སྙིང་གི་གནས་རྣམས་སུ།། ཕྱུགས་བདག་ལྟེ་བའི་རྩ་བར་ནི།། ཡན་ལག་བརྒྱད་ཀྱི་ས་བོན་གྱིས།། ཡན་ལག་བརྒྱད་ཀྱི་ཚོ་གས་འཛིན།། བརྟན་སོགས་གཡོ་བར་བཅས་པ་ཡི།། འགྲོ་ཀུ།
303b6 ཁྱབ་པར་བྱེད་པས་ཁྱབ།། ཚངས་སོགས་ལྷ་དང་ལྷ་མིན་ནི།། དེ་ཡི་གདན་དུ་གྱུར་པ་ཡི།། གང་ལ་གཙོ་བོ་སྤྱོད་གྱུར་པའི།། ཁྱིམ་ནི་བྷ་ག་ཞེས་སུ་གསུངས།། ཇི་སྲིད་ལུས་ལ་རྣམ་གནས་པ།། དེ་ཡི་ལྭ
303b7 དང་ལས་མིན་འགྱུར། ། དགེ་དང་མི་དགེའི་ལས་ཅུང་ཟད།། བྱས་པའི་ལས་ནི་ཐམས་ཅད་བྱེད།། རྣལ་འབྱོར་མཉམ་པ་ཉིད་དུ་གསུངས།། རབ་ཏུ་སྦྱོར་བ་སྒོམ་པ་ཡིན།། གང་ཚེ་ལས་ཀྱིས་ལུས་བཅོམ
iiif viewer powered by OpenSeadragon
