| e-texts navigator |
| Wylie |
303a1 བཀའ་སྩལ་པ། གཉིས་མེད་གཉིས་ནི་རྣམ་སྤངས་པའི།། དེ་ཉིད་ལམ་ནི་ཇི་བཞིན་ཉོན།། རྟོག་གེ་མེད་ཅིང་རྣམ་ཤེས་མེད།། དེ་བཞིན་རྟོག་གེ་པས་མི་རྟོགས།། སངས་རྒྱས་ཀུན་གྱི
303a2 གསང་བ་ནི། ། ནམ་མཁའ་ལྟ་བུར་མཉམ་པ་ཉིད།། ཉན་ཐོས་རྣམས་ཀྱིས་མི་ཤེས་ཏེ།། མི་ཤེས་པ་ཡི་མུན་པས་བསྒྲིབས།། བག་ཆགས་སད་པའི་ཡེ་ཤེས་གང་།། རང་རྒྱལ་རྣམས་ཀྱི་སྤྲུལ་པའོ།། ས
303a3 བ་སངས་རྒྱས་སྤྱོད་ཡུལ་ཉིད། ། དེ་རྣམས་ཀུན་གྱིས་མི་ཤེས་སོ།། འཁོར་བའི་རྒྱ་མཚོའི་འཇིགས་པ་ལས།། རྒལ་བར་འགྲོ་བའི་སེམས་ཀྱིས་ནི།། ལུས་ཀྱི་དབུས་སུ་བསྐོར་བ་ཡི།། རྒལ་བ་མཚོན་པར
303a4 གསུང་བ་སྟེ། ། རྣམ་ཤེས་ཡེ་ཤེས་སེམས་ཀྱིས་ནི།། མཚན་ཉིད་མཚན་གཞི་མཚོན་པར་བྱེད།། ཡེ་ཤེས་ཀྱིས་ནི་ཤེས་བྱ་བ་ལྟ།། ཤེས་བྱ་རྣམས་ཀྱིས་འགྲོ་བ་བརྟག། འགྲོ་བ་བརྟག་པའི་སེམས་ཀྱིས་ནི།།
303a5 ཇི་ལྟར་རང་འདོད་ལ་སོགས་འགྲོ།། འགྲོ་བར་སྔོན་གྱི་སྐྱེ་བ་ནི།། སྟོང་ཕྲག་དུ་མ་དག་ཏུ་འགྲོ།། ཡོ་གིས་སྔར་གསུངས་མཚན་ཉིད་ཀྱིས།། མཉམ་ཉིད་སྟོང་པར་བསམ་ནས་ནི།། ལུས་ཀྱི་སྟོང་པའི་ཞིང
303a6 སོགས་ལ། ། བློ་དང་ལྡན་པས་ས་བོན་གདབ།། རྩ་ཡི་མཛེས་སྤྱི་ལས་བྱུང་བ།། དེ་ནི་རྡུལ་བྲལ་རབ་ཏུ་གྲགས།། དག་པའི་ཤེལ་གྱི་འོད་དང་མཉམ།། བྱང་ཆུབ་སེམས་ནི་འོད་གསལ་བ།། ཡེ་ཤེས་ལྔ་ཡི
303a7 དངོས་དེ་ཉིད། ། ཡུངས་ཀར་གྱི་ནི་སྦོམ་ཕྲ་ཙམ།། དེ་ཡི་ནང་དུ་གནས་པའི་ལྷ།། མི་གསལ་གསལ་བའི་རང་བཞིན་ཅན།། མ་མོ་ཕྱེད་པ་མཆོག་ཏུ་ཕྲ།། ཐིག་ལེའི་གཟུགས་ནི་ཡིད་ཀྱི་དངོས།། སྙིང
iiif viewer powered by OpenSeadragon
