| e-texts navigator |
| Wylie |
302b1 སྦྱོར་བའི་ཏིང་ངེ་འཛིན་ཅེས་བྱ་བའི་དོན་ཏོ། ། འབྱུང་བ་ནི་སྐྱེ་བ་སྟེ། དེ་ལྟར་གནས་པ་དང་གཡོ་བའི་དངོས་པོའི་རང་བཞིན་གྱི་བདག་ཉིད་ཅན་དུ་གྱུར་པའོ།། མཚན་ཉིད་ཅེས་བྱ་བ་ནི་འདིས་མཚོན་པར་བྱེད་པའོ།། ཡང
302b2 ན་རྒྱུད་ཐམས་ཅད་ཀྱི་གླེང་གཞི་ཡང་དག་པར་སྦྱོར་བ་ལས་བྱུང་བ་ཞེས་བྱ་བའི་སྒྲས་ནི་རྡོ་རྗེ་སེམས་དཔར་གསུངས་སོ། ། གསོང་བ་ཞེས་བྱ་བ་འདི་ནི་མན་ངག་ཅན་གྱི་སྔགས་བཏུ་བ་དང་། དཀྱིལ་འཁོར་གྱི་ལྷ་ལ
302b3 སོགས་པའི་མཚན་ཉིད་དོ། ། ཐབས་དང་ཤེས་རབ་བདག་ཉིད་རྒྱུད།། དེ་ནི་ང་ཡིས་བཤད་ཀྱིས་ཉོན།། དང་པོར་སྟོང་ཉིད་བསམས་པས་ནི།། ལུས་ཅན་རྣམས་ཀྱི་དྲི་མ་བཀྲུ།། གཟུགས་ཀྱི་ཁམས་ནི་སྟོང
302b4 པ་ཡི། ། སྒྲ་ལ་དེ་ཉིད་ཀྱིས་ནི་བྱ།། དྲི་ཡི་ཁམས་ནི་སྟོང་པ་ཡིས།། རོལ་དེ་ཉིད་ཀྱིས་ནི་བྱ།། རེག་བྱའི་ཁམས་ནི་སྟོང་པ་ཡི།། ཡིད་ལ་དེ་ཉིད་ཀྱིས་ནི་བྱ།། རྡོ་རྗེ་སྙིང་པོས་གསོལ་པ། མིག་གི་རང་བཞིན
302b5 སྟོང་པ་ཡི། ། ནང་དུ་རྣམ་ཤེས་ཇི་ལྟར་ལགས།། རྣ་བའི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། སྣ་ཡི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། ལྕེ་ཡི་རང་བཞིན་སྟོང
302b6 པ་ཡི། ། ནང་དུ་རྣམ་ཤེས་ཇི་ལྟར་ལགས།། ལུས་ཀྱི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། ཡིད་ཀྱི་རང་བཞིན་སྟོང་པ་ཡི།། དབུས་སུ་རྣམ་ཤེས་ཇི་ལྟར་ལགས།། དེ་ཕྱིར་གཟུགས་མེད
302b7 ལྟ་བ་མེད། ། སྒྲ་མེད་ཐོས་པ་པོ་ཡང་མེད།། དྲི་མེད་སྣོམ་པ་པོ་ཡང་མེད།། རོ་མེད་མྱོང་བ་པོ་ཡང་མེད།། རེག་མེད་རེག་པ་པོ་ཡང་མེད།། སེམས་མེད་སེམས་ལས་བྱུང་བའང་མེད།། བཅོམ་ལྡན་འདས་ཀྱི།
iiif viewer powered by OpenSeadragon
