| e-texts navigator |
| Wylie |
278a1 དྲུག་གསང་སྔགས་གང་། ། སྐ་རགས་བྱས་པ་བརྒྱན་པ་ཡིན།། འཁོར་ལོ་ཀུན་གྱི་རྣལ་འབྱོར་མའི།། སྔགས་ནི་ལག་མ་ཐོད་པ་ཡིན།། རྣམ་པར་སྣང་མཛད་ཡུམ་སྔགས་དང་།། ཐོད།།
278a2 པས་མགོ་བོ་བརྒྱན་པ་ཡིན།། དེ་ལྟར་བདག་ཉིད་རྣམ་བསམས་ནས།། ཚམ་རྔམ་སྔགས་ཀྱིས་ལེགས་པར་བསྲུང་།། རྟག་ཏུ་ཚངས་པར་སྤྱོད་འགྱུར་བ།། གསང་སྔགས་རྐང་པ་བརྒྱད་མཆོད་པའོ།། ཉིན་མོ
278a3 བཅོམ་ལྡན་དཔའ་བོ་སྟེ། ། མཚན་མོ་བཅོམ་ལྡན་མ་བརྟག་བྱ།། མི་བྱ་ཅི་ཡང་ཡོད་མིན་ཏེ།། རྟག་ཏུ་མི་བསམ་ཡོད་མ་ཡིན།། མི་བཟའ་ཅི་ཡང་ཡོད་མིན་ལ།། དགེ་དང་མི་དག་མི་སྨྲ་མེད།། བདག་ཉིད
278a4 ཇི་བཞིན་འགྲོ་དེ་བཞིན། ། བདག་ཅི་འདྲ་བ་གཞན་དེ་བཞིན།། དེ་ལྟར་རྣམ་བསམ་རྣལ་འབྱོར་བདག། འཇིགས་པ་ཐམས་ཅད་ཡོངས་སྤངས་ཏེ།། དཔའ་བོ་སེང་གེ་བཞིན་དུ་སྤྱོད།། བསམ་པ་ཐམས་ཅད
278a5 རྫོགས་བྱེད་ཡིན། ། ཧེ་རུ་ཀ་དཔལ་གཞིར་གནས་པའི།། ཡན་ལག་སྤྱོད་པ་ཇི་སྙེད་དང་།། ཚིག་ཏུ་བརྗོད་པ་ཇི་སྙེད་པ།། དེ་སྙེད་ཕྱག་རྒྱ་གསང་སྔགས་ཡིན།། རིགས་ལྔའི་ཀུན་ཏུ་སྤྱོད་པ་ནི།། རིག
278a6 གཅིག་ཉིད་དུ་སྤྱད་པར་བྱ། ། དེ་ལྟར་ཤེས་པའི་བདག་ཉིད་ཅན།། གོ་འཕང་མཆོག་ཏུ་འགྲོ་བར་འགྱུར།། གཉིས་མེད་ཡེ་ཤེས་སེམས་ལྡན་ལ།། མི་བྱ་བ་ནི་ཅི་ཡང་མེད།། མི་རྟོག་བདག་ཉིད་སེམས་ཀྱིས
278a7 དེ། བདོད་པའི་ཡོན་ཏན་ལྔ་རྣམས་སྤྱད།། རྣལ་འབྱོར་མའི་ཀུན་ཏུ་སྤྱོད་པ་ལས། གཉིས་སུ་མེད་པའི་བརྟུལ་ཞུགས་དང་གསང་སྔགས་བསྟན་པ་སྟེ་བཅོ་ལྔ་པའོ།། གཞན
iiif viewer powered by OpenSeadragon
