| e-texts navigator |
| Wylie |
275b1 ཨོ་ཨཽ། ཨཾ་ཨཿ། ཀ་ཁ་ག་གྷ་ང། ཙ་ཚ་ཛ་ཛྷཉ། ཊ་པྲ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀྵཿའདི་ནི་བཅོམ་ལྡན་ལྷ་དེ་ཡིན།། མཆོག་ཉིད་ལྷག་པར་གནས་པ་ཡིན།
275b2 ལྷ་ཀུན་གྱི་ནི་བསྐྱེད་པ་དང་།། སྔགས་རྣམས་ཀྱི་ནི་རྒྱུད་ཉིད་ཡིན།། གང་ཞིག་འདི་རྟག་སྒོམ་པ་དང་།། རྟག་ཏུ་ཀློག་ཅིང་སེམས་པ་དང་།། རྣལ་འབྱོར་པ་ཡིས་དང་པོར་བརྗོད།། ཧེ་རུ་ཀ་དཔལ
275b3 གཉིས་མེད་འགྱུར། ། དེར་ནི་ལག་སོགས་རྒྱན་ཡིན་ཏེ།། སྐ་རགས་གནས་རྣམས་ཐམས་ཅད་ཡིན།། འདི་ནི་རྟག་ཏུ་འཛིན་བྱེད་པ།། ཆོས་ཀུན་རྟོགས་པར་བྱེད་པ་ཡིན།། ཨཱ་ལི་ཀཱ་ལི་མདུན
275b4 བསམས་ཏེ། ། རྣལ་འབྱོར་ཆེན་པོས་རྣམ་གནས་ལ།། ཟླ་བའི་དཀྱིལ་འཁོར་ལེགས་རྫོགས་པ།། ལྟེ་བའི་རྩ་བར་གནས་པར་བསྒོམ།། དེ་ཡི་དབུས་གནས་བསམས་པ་ནི།། དམ་པའི་གནས་མཆོག
275b5 ཡི་གེ་སྟེ། ། སྐུ་གསུང་ཐུགས་ཀྱི་རྡོ་རྗེ་སྟེ།། ལྷ་ཡི་སྐུ་ནི་བསྒོམ་པར་བྱ།། དེ་ནི་གཟུགས་ལས་བདས་པ་སྟེ།། དངོས་པོ་མེད་པའི་སེམས་ཉིད་ཡིན།། བསམ་མི་ཁྱབ་པ་ཉིད་བསམས་ཏེ།།
275b6 བསམ་དེ་མཚན་མར་བརྟག་མི་བྱ།། ཡང་ན་བདག་ཉིད་སེམས་བསམ་པ།། དེ་ལ་གཟུངས་ནི་ཐོབ་པར་འགྱུར།། རྣལ་འབྱོར་མའི་ཀུན་ཏུ་སྤྱོད་པ་ལས། རྒྱུད་ཐམས་ཅད་ལས་ངེས་པར་བྱས་པའི
275b7 དེ་ཁོ་ན་ཉིད་ཀྱི་གནས་གཅིག་པུ་བསྟན་པ་སྟེ་བཅུ་གཉིས་པའོ། ། ། དེ་ནས་གཞན་ཡང་བཤད་བྱ་བ།། དཔའ་བོ་རྣལ་འབྱོར་མ་གཉིས་མེད།། ཧེ་རུ་ཀ་དཔལ་རྣལ་འབྱོར་ཆེ་ག
iiif viewer powered by OpenSeadragon
