| e-texts navigator |
| Wylie |
267b1 གྱི་དབང་ཕྱུག་གོ། འདུ་བྱེད་ཀྱི་ཕུང་པོ་ལ་ནི་རྡོ་རྗེ་རྒྱལ་པོའོ།། རྣམ་པར་ཤེས་པའི་ཕུང་པོ་ལ་ནི་རྡོ་རྗེ་སེམས་དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་ཤྲཱི་ཧེ་རུ་ཀ་རྡོ་རྗེའོ།། མིག་གཉིས
267b2 ལ་ནི་གཏི་མུག་རྡོ་རྗེའོ། ། རྣ་བ་གཉིས་ལ་ནི་ཞེ་སྡང་རྡོ་རྗེའོ།། སྣ་དག་ལ་ནི་ཕྲག་དོག་རྡོ་རྗེའོ།། ལྕེ་ལ་ནི་འདོད་ཆགས་རྡོ་རྗེའོ།། ལུས་ལ་ནི་སེར་སྣ་རྡོ་རྗེའོ།། སྐྱེ་མཆེད་ཐམས་ཅད་ལ་ནི་དབང་ཕྱུག་རྡོ་རྗེ་སྟེ
267b3 དཔལ་ཧེ་རུ་ཀའི་དབྱིངས་སོ། ། སའི་ཁམས་ལ་ནི་ལྟུང་བྱེད་མའོ།། ཆུའི་ཁམས་ལ་ནི་གསོད་མའོ།། མེའི་ཁམས་ལ་ནི་འགུགས་མའོ།། རླུང་གི་ཁམས་ལ་ནི་གར་དབང་མའོ།། ནམ་མཁའི་ཁམས་ལ་ནི
267b4 པདྨའི་དྲ་བ་མོ་སྟེ། དེ་ལྟར་ཕུང་པོ་དང་། ཁམས་དང་། སྐྱེ་མཆེད་རྣམས་ལ་ལྷ་ཉིད་ཀྱི་ང་རྒྱལ་བསྐྱེད་པར་བྱའོ།། རྣལ་འབྱོར་མའི་ཀུན་ཏུ་སྤྱོད་པ་ལས། ལྷ་རྣམས་ཀྱི་གནས་ཀྱི་རྣམ་པར་དག་པ་གནས
267b5 པ་སྟེ་དང་པོའོ། ། །། དེ་ནས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷའི་སྦྱོར་བས་སྦྱར་བར་བྱ་སྟེ། དེ་ཐམས་ཅད་ཀྱང་གང་ཞེ་ན། ལུས་དྲན་པ་ཉེ་བར་གཞག་པ་དང་།
267b6 ཚོར་བ་དྲན་པ་ཉེ་བར་གཞག་པ་དང་། ཆོས་དྲན་པ་ཉེ་བར་གཞག་པ་དང་། སེམས་དྲན་པ་ཉེ་བར་གཞག་པ་དང་། བདུན་པའི་རྫུ་འཕྲུལ་གྱི་རྐང་པ་དང་། བརྩོན་འགྲུས་ཀྱི་རྫུ་འཕྲུལ་གྱི་རྐང་པ་དང་།
267b7 དཔྱོད་པའི་རྫུ་འཕྲུལ་གྱི་རྐང་པ་དང་། སེམས་ཀྱི་རྫུ་འཕྲུལ་གྱི་རྐང་པ་དང་། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་།
iiif viewer powered by OpenSeadragon
