| e-texts navigator |
| Wylie |
266b1 འབྱོར་མ་དང་དཔའ་བོས་བསྐོར། ། འདུ་བྱེད་རྣམས་ནི་དང་པོར་བྱས།། དཀྱིལ་འཁོར་མཛེས་པར་བྲི་བ་སྟེ།། མ་མོ་རྣམས་དང་རྣལ་འབྱོར་མ།། བསྒོམ་ཞིང་ཕྱོགས་དང་ཕྱོགས་མཚམས་དགོད།། དེ་རུ།
266b2 ལྷ་རྣམས་ཡང་དག་གཞག། གཟུགས་བརྙན་ལུས་ནི་ལྷོ་ཕྱོགས་སུ།། སྔགས་པས་མགོ་བོ་བསྟན་པར་བྱ།། ཇི་ལྟར་མཛེས་པས་བསྒྲུབ་བྱ་བསྒོམ།། ནད་རྣམས་ཀུན་ལས་རྣམ་པར་གྲོལ།། གཡས
266b3 བརྐྱང་གིས་ནི་ཡང་དག་གནས། ། རྩ་བའི་སྔགས་སོགས་ཀྱིས་ནི་བསྲུང་།། སྔགས་པས་ཁ་ནི་ཤར་དུ་བལྟས།། ལག་པས་ཤེས་རབ་ཁ་ཊཱི་ག། གྲིབ་མ་འགོམ་པར་བྱས་ནས་ནི།། ལྟེ་བའི་ཕྱོགས་སུ་བརྡེག
266b4 པར་བྱ། ། ཇི་ལྟར་སྡུག་བསྔལ་བར་ནི་བཏུབ།། ལྷ་སྤྲིན་ནད་ནི་ཞི་བར་འགྱུར།། དབང་པོ་ལ་སོགས་ཤར་ཕྱོགས་གཞག། སྔགས་ཀྱིས་བསྐལ་བར་བྱ་བ་སྟེ།། ཇི་ལྟར་ཅུང་ཟད་གཞུག་པར་བྱ།། སློབ་དཔོན
266b5 གྱིས་ནི་མཛེས་པར་བརྟག། ཁྱེའུས་ཁྱེའུ་གྲོལ་བ་སྟེ།། བུ་མོས་བུ་མོ་གྲོལ་བ་ཡིན།། ཐམས་ཅད་ཁྲུས་དང་གཙང་སྤུ་དང་།། མཛེས་ཤིང་ཞི་བར་བྱ་བ་སྟེ།། ཕྱི་དང་སློབ་དཔོན་དགྱེས་པར་བྱ།། གོས་དང
266b6 རྒྱན་ལ་སོགས་པ་ཡིས། ། གཞན་ཀུན་ལ་ཡང་མཆོད་པར་བྱ།། བཟའ་བ་བཏུང་སོགས་གོས་ཀྱིས་སོ།། གསང་བ་ཆེན་པོས་ཞི་བར་བྱ།། དཔལ་ཁྲག་འཐུང་མངོན་པར་འབྱུང་བ་ལས། འབུམ་ཕྲག་གསུམ
266b7 ལས་བཏུས་པ། བསྟན་བཅོས་ཐམས་ཅད་ཀྱི་རྒྱལ་པོ་དཔལ་ཁྲག་འཐུང་ཆེན་པོ་བཀླགས་པས་འགྲུབ་པ། ཐམས་ཅད་མཁྱེན་པའི་ཡེ་ཤེས་གཞན་ལས་རྒྱལ་བ་དང་པོའི་སྒྲུབ་པའི་རྒྱད་ཀྱི་ཕྱི་མ། དཔལ
iiif viewer powered by OpenSeadragon
