| e-texts navigator |
| Wylie |
377b1 ཀུན་ནས་སྒོ་མོ་རྣམས། ། འགྲོ་བའི་དོན་དུ་བདག་ལ་མངོན་སུམ་ཤོག། འཇམ་དཔལ་གྱི་ནི་རྗེས་སུ་སློབ་བགྱིད་ཅིང་།། བྱང་ཆུབ་སྤྱོད་པའི་སྨོན་ལམ་གདབ་པར་བགྱི།། མི་གཅིག་ཙམ་གྱི་ཆེད་དུའང་མནར་མེད་པའི།
377b2 ཚོར་བ་ཐམས་ཅད་བདག་གིས་མྱང་འགྱུར་བར།། བསྐལ་པ་དུ་མར་བདག་ནི་སྤྲོ་བར་བགྱི།། འགྲོ་བ་ཐམས་ཅད་མྱ་ངན་མེད་པར་ཤོག། སེམས་དམྱལ་གཤིན་རྗེའི་འཇིག་རྟེན་སྡུག་བསྔལ་དང་།། དུད་འགྲོའི་གནས
377b3 རྣམས་དུད་འགྲོའི་སྡུག་བསྔལ་དང་། ། མི་ཡི་གནས་རྣམས་མི་ཡི་སྡུག་བསྔལ་དང་།། འགྲོ་བའི་སྡུག་བསྔལ་ཕུང་པོ་མཐའ་ཡས་དག། བདག་ལ་བབ་གྱུར་འགྲོ་བ་བདེ་བར་ཤོག། རྒྱལ་བ་རྣམས་ཀྱི་ཞིང་ནི་རྣམ་དག
377b4 དང་། ། སེམས་ཅན་རྣམ་དག་ཡེ་ཤེས་རྣམ་དག་དང་།། རྒྱལ་བ་རྣམས་ཀྱི་སྨོན་ལམ་མཐའ་ཡས་གང་།། སྨོན་ལམ་དེ་ཀུན་བདག་ལ་གྲུབ་པར་ཤོག། བདག་གི་སྨོན་ལམ་ཉམས་པར་མ་གྱུར་ཅིག། བདག་ནི་ནམས
377b5 ཀྱང་སྐྱོ་བར་མི་འགྱུར་ཤོག། བྱང་ཆུབ་མཆོག་ནི་བདག་གིས་ཐོབ་བར་དུ།། བསྐལ་པ་དུ་མར་བདག་ནི་སྤྲོ་བར་ཤོག། མཆོག་གི་སྤྱོད་པའི་སྨོན་ལམ་རྫོགས་སོ།། རྒྱ་གར་གྱི་མཁན་པོ་པྲཛྙཱ
377b6 ཝརྨ་དང་། ། ཞུ་ཆེན་གྱི་ལོ་ཙ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། འཕགས་པ་བསམ་པ་ཐམས་ཅད་ཡོངས་སུ་རྫོགས
377b7 པ་ཞེས་བྱ་བའི་ཡོངས་སུ་བསྔོ་བ། སངས་རྒྱས་ཐམས་ཅད་ཀྱི་ཞབས་དང་། ཆོས་དང་། དགེ་སློང་གི་དགེ་འདུན་ལ་མགོ་བོས་ཕྱག་འཚལ་ལོ།། ཕྱོགས་བཅུ་བརྗོད་ཀྱིས་མི་ལང་བའི་འཇིག་རྟེན་གྱི་ཁམས་ན་བཞུགས
iiif viewer powered by OpenSeadragon
