| e-texts navigator |
| Wylie |
377a1 སྤྱོད་རྣམས་དང་། ། ཤེས་རབ་སྒོམ་དང་བསོད་ནམས་སྟོབས་ཀུན་ལ།། བྱང་ཆུབ་ཡོན་ཏན་དོན་དུ་ཡི་རང་ངོ་།། རྒྱལ་བ་ཀུན་གྱི་ཡོན་ཏན་མཐའ་ཡས་དང་།། ཆོས་བསྟན་བྱང་ཆུབ་འཇོག་བགྱིད
377a2 ཐམས་ཅད་ལ། ། བྱང་ཆུབ་ཡོན་ཏན་དོན་དུ་ཡི་རང་ངོ་།། འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག། འཇིག་རྟེན་རྒྱལ་བ་གང་བཞུགས་ཀུན་ལ་བསྐུལ།། ཕྱོགས་བཅུ་དག་ན་བྱང་ཆུབ་རྙེད་པ་གང་།། དེ་དག་ཚངས་བརྒྱ
377a3 ཇི་ལྟར་གསོལ་བ་ལྟར། ། རྒྱལ་རྣམས་བཞུགས་ཤིང་ཆོས་མཆོག་སྟོན་གྱུར་ཅིག། རྒྱལ་ཀུན་བསྐལ་པ་མང་པོར་བཞུགས་པར་ཤོག། འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག། མི་རྣམས་ཐམས་ཅད་མཆོག་དང
377a4 བླ་མེད་པ། ། འཇིག་རྟེན་སྒྲོན་མ་བདེ་གཤེགས་མྱུར་གྱུར་ཅིག། སངས་རྒྱས་རྣམས་ལ་ཕྱག་འཚལ་མཆོད་གང་དང་།། ལས་དགེ་རྣམས་ལ་ཡི་རང་གང་ལགས་དང་།། སྡིག་པའི་ལས་རྣམས་བཤགས་པ་གང་ལགས
377a5 དང་། རྒྱལ་བ་རྐང་གཉིས་དབང་རྣམས་མཐོང་གང་དང་།། བདག་གིས་དགེ་བ་ཅུང་ཟད་ཅི་བགྱིས་པ།། ལུས་དང་ངག་དང་སེམས་ལས་བྱུང་བའང་རུང་།། བདག་གིས་བགྱིས་དང་བགྱིད་པར་འགྱུར་བ་གང་།། ཐམས་ཅད་སྐྱེ་དགུ
377a6 སྨན་སླད་སྩལ་བར་བགྱི། ། ཇི་ལྟར་ཕྱོགས་བཅུའི་སངས་རྒྱས་རྣམ་མཁྱེན་ནས།། སྩལ་པ་ལེགས་པར་སྩལ་ཅིང་ལེགས་རྒྱས་པ།། དེ་བཞིན་བདག་གིས་སྐྱེ་དགུ་སྨན་སླད་སྤྲུལ།། འགྲོ་ཀུན་བྱང་ཆུབ་མཆོག་ལ་རེག་གྱུར
377a7 ཅིག། བདག་གིས་འགྲོ་ལ་སྩལ་པ་གང་ལགས་པའི།། བསོད་ནམས་འབྲས་བུ་ཐ་མེད་ཅི་མཆིས་པ།། ཐེག་པ་ཆེན་པོར་ཡོངས་སུ་བསྔོ་བར་བགྱི།། བདག་ལ་བྱང་ཆུབ་འབྲས་བུ་འགྲུབ་པར་ཤོག། མཚུངས་པ་མ་མཆིས
iiif viewer powered by OpenSeadragon
