| e-texts navigator |
| Wylie |
376b1 ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། སྐྱེ་དགུ་ཀུན་ལ་སྨན་དང་བདེ་སླད་དུ།། ཕྱོགས་བཅུའི་འཇིག་རྟེན་སངས་རྒྱས་རྣམས་ལ་འདུད།། དེ་དག་ལ་ནི་རྗེད་ཅིང་མཆོད་པར་བགྱི།། འགྲོ་ཀུན་བྱང་ཆུབ
376b2 མཆོག་ལ་རེག་གྱུར་ཅིག། བྱམས་པ་དང་ནི་འཇམ་དཔལ་མངའ་བདག་རྟོག། ཆོས་ཀྱི་བློ་གྲོས་དཔའ་བོ་བདུད་རྩི་གསུང་།། དཔའ་བོ་དེ་དག་ཕྱག་འཚལ་མཁྱེན་པ་ལྟར།། དེ་བཞིན་བདག་ཀྱང་མི་དབང་རྣམས་ལ
376b3 འདུད། ། ཐུགས་རྗེར་ལྡན་ཞིང་འཇིག་རྟེན་དོན་མཛད་པའི།། རྒྱལ་བ་མི་མཁྱེན་མི་གཟིགས་མི་མངའ་བ།། མི་དབང་ཐུགས་བརྩེ་བྱམས་ལ་གནས་པ་ཡི།། རྒྱལ་བ་དེ་ཀུན་བདག་ལ་དགོངས་སུ་གསོལ།། སྔོན་གྱི་སྲིད
376b4 པ་དག་ཏུ་བདག་ཉིད་ཀྱིས། ། སྡིག་པའི་ལས་རྣམས་གང་བགྱིས་བདག་གིས་བཤགས།། དེ་བཞིན་ལུས་ངག་ཡིད་ཀྱིས་བགྱིས་པ་རྣམས།། དེ་དག་ཐམས་ཅད་བདག་གིས་སོ་སོར་བཤགས།། ཤཱཀྱ་ཐུབ་དང་མི
376b5 འཁྲུགས་འོད་དཔག་མེད། ། དེ་དག་གིས་ནི་འཕྲིན་ལས་ཡོངས་སྤངས་དང་།། འཆགས་དང་བཤགས་པ་མཁྱེན་ཅིང་བཤགས་གྱུར་ལྟར།། དེ་བཞིན་བདག་གིས་སྡིག་པ་བཤགས་པར་བགྱི།། ཐམས་ཅད་དགའ
376b6 མཛད་སྐྱེས་བུ་དམ་པ་གང་། ། བྱང་ཆུབ་ཞུགས་པ་ཀུན་ལ་གསོལ་བ་འཚལ།། ངན་སོང་བཞི་པོ་མྱུར་དུ་ཞི་གྱུར་ཅིག། མི་ཁོམ་འཇོམས་པར་བགྱིད་ཅིང་རྒྱུ་བར་ཤོག། སངས་རྒྱས་བཟང་སྤྱོད་དྲི་མེད་མངའ་བདག་དང་།།
376b7 དེ་བཞིན་ལྷུན་པོའི་དཔལ་དང་ཉི་མ་སྒྲོན།། དེ་དག་བསོད་ནམས་ཡི་རང་མཁྱེན་པ་ལྟར།། དེ་བཞིན་བདག་ཀྱང་བསོད་ནམས་རྗེས་ཡི་རང་།། ཕྱོགས་བཅུ་དག་ན་སྦྱིན་པ་སྤྱོད་པ་གང་།། དེ་བཞིན་ཚུལ་ཁྲིམས་ཏིང་འཛིན
iiif viewer powered by OpenSeadragon
