| e-texts navigator |
| Wylie |
317b1 ཕྱོགས་དེར་རླུང་དག་གིས་བསྡུས་ནས་དེ་ལས་དེ་གྲུབ་པར་གྱུར་ཏེ། རྒྱུ་དེས་ན་ལྷ་མ་ཡིན་གྱི་རིས་ཀྱི་ཤིང་ཐམས་ཅད་ཀྱི་ནང་ན་ཤིང་པ་ཏ་ལི་སྣ་ཚོགས་ཅན་དེ་དག་གི་མཆོག་ཅེས་བྱའོ།། ཅིའི་ཕྱིར་སུམ་ཅུ
317b2 རྩ་གསུམ་པའི་ཤིང་ཐམས་ཅད་ཀྱི་ནང་ན་ཤིང་ཡོངས་འདུས་བརྟོལ་དེ་དག་གི་མཆོག་ཅེས་བྱ་ཞེ་ན། སྨྲས་པ། འཇིག་རྟེན་འཆགས་པའི་ཚེ། ཁམས་ཀྱི་མཆོག་དང་། སྙིང་པོའི་མཆོག་དང་། བཟང
317b3 པོའི་མཆོག་དང་། ཟོང་གི་མཆོག་གང་ཡིན་པ་དེ་ཕྱོགས་དེར་རླུང་གིས་བསྡུས་ནས་དེ་གྲུབ་པར་གྱུར་ཏེ། རྒྱུ་དེ་ས་ན་སུམ་ཅུ་རྩ་གསུམ་པའི་ཤིང་ཐམས་ཅད་ཀྱི་ནང་ན་ཤིང་ཡོངས་འདུས་བརྡོལ་དེ་དག་གི
317b4 མཆོག་ཅེས་བྱའོ། ། ཅིའི་ཕྱིར་སོས་ཀ་དང་དབྱར་ཤིང་ཁ་ཅིག་ལོ་མ་ཡོད་པ་དང་། མེ་ཏོག་ཡོད་པ་དང་། འབྲས་བུ་ཡོད་པར་འགྱུར་ལ། ཤིང་ཁ་ཅིག་ནི་ལོ་མ་མེད་པ་དང་། མེ་ཏོག་མེད་པ
317b5 དང་། འབྲས་བུ་མེད་པར་འགྱུར་ཞེ་ན། སྨྲས་པ། ཟླ་བ་དྲུག་ཉི་མ་བྱང་ཕྱོགས་ན་འདུག་སྟེ། བྱང་ཕྱོགས་ན་འདུག་པ་ན། དཔག་ཚད་བཞི་ཁྲི་ནས་ཉི་མའི་འོད་ཟེར་རྣམས་བྱུང་ནས་གླིང་རྣམས
317b6 སུ་འབབ་སྟེ། དེས་ན་རྒྱ་མཚོ་ཆེན་པོའི་ཆུ་བསིལ་བར་འགྱུར་ལ། ཆུ་བསིལ་བ་དེའང་གླིང་རྣམས་ཀྱི་ནང་ན་འགྲོ་སྟེ། ཤིང་གང་དག་ཆུ་བསིལ་བ་དེས་བདེ་བར་སྐྱེ་བར་འགྱུར་བའི་ཤིང་དེ་དག་ནི་ལོ་མ
317b7 ཡོད་པ་དང་། མེ་ཏོག་ཡོད་པ་དང་། འབྲས་བུ་ཡོད་པར་འགྱུར་ལ། ཤིང་གང་དག་ཆུ་བསིལ་བ་དེས་བདེ་བར་སྐྱེ་བར་མི་འགྱུར་བ་དེ་དག་ནི་ལོ་མ་མེད་པ་དང་། མེ་ཏོག་མེད་པ་དང་། འབྲས་བུ
iiif viewer powered by OpenSeadragon
