| e-texts navigator |
| Wylie |
316a1 ཁ་བུབ་ཏུ་ཉལ་བ་དང་། ཉལ་བ་ལ་རྟགས་པ་དང་། ཆུ་ལ་དགའ་བ་དང་། སེར་སྣ་ཆེ་བ་དང་། ཡོ་བྱད་རྣམས་ཀུན་ཏུ་འཛིན་པ་དང་། མི་སྟེར་བའི་རང་བཞིན་ཅན་དེ་དག་ནི། ཉེ་ཞིང་དུ
316a2 བས་ཉེ་བར་ཀླུ་དག་གི་ནང་ནས་ཤི་འཕོས་པ་ཡིན་ཏེ། ཀླུ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་དེ་དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས་ནི་དེ་དག་ཡིན་ནོ།། དྲི་ཟ་དག་གི་ནང་ནས་ཤི
316a3 འཕོས་པ་རྣམས་ཀྱི་རྣམ་པ་ནི་གང་དག་ཡིན། མཚན་མ་ནི་གང་དག་ཡིན། རྟགས་ནི་གང་དག་ཡིན་ཞེ་ན། སྨྲས་པ། སེམས་ཅན་གང་དག་གཟུགས་བཟང་ཞིང་བལྟ་ན་སྡུག་ལ་མཛེས་པ་དང་། རོལ་མོ
316a4 ལ་སྲེད་པ་དང་། སིལ་སྙན་དང་། ཕེག་རྡོབ་པ་ལ་སྤྱོད་པ་དང་། རྩེད་མོ་ལ་སྲེད་པ་དང་། དགའ་དགའ་དགུར་སྤྱོད་པ་ལ་སྲེད་པ་དེ་དག་ནི། ཉེ་ཞིང་དུ་བས་ཉེ་བར་དྲི་ཟ་དག་གི་ནང་ནས་ཤི་འཕོས་པ་ཡིན་ཏེ།
316a5 དྲི་ཟ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་དེ་དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས་ནི་དེ་དག་ཡིན་ནོ།། ཡི་དགས་དག་གི་ནང་ནས་ཤི་འབོས་པ་རྣམས་ཀྱི་རྣམ་པ་ནི་གང་དག་ཡིན
316a6 མཚན་མ་ནི་གང་དག་ཡིན། རྟགས་ནི་གང་དག་ཡིན་ཞེ་ན། སྨྲས་པ། སེམས་ཅན་གང་དག་སྐེམ་པ་དང་། ངན་པ་ལ་དགའ་བ་དང་། མདོག་ངན་པ་དང་། གསུས་པ་ཆེ་བ་དང་། ཕྲ་མ་ཟེར་བ་དང
316a7 སེར་སྣ་ཆེ་བ་དང་། འཇུངས་པ་དང་། ཡོ་བྱད་རྣམས་ཀུན་ཏུ་འཛིན་པ་དང་། ལག་གིས་ཁ་ཟས་རུལ་བར་བྱེད་པ་དང་། ཁ་ཟས་མང་པོས་ཀྱང་མི་འགྲངས་པ་དེ་དག་ནི། ཉེ་ཞིང་དུ་བས་ཉེ་བར་ཡི་དགས་དག
iiif viewer powered by OpenSeadragon
