| e-texts navigator |
| Wylie |
311b1 སེམས་ཅན་དམྱལ་བ་དག་ནས་ཤི་འཕོས་པ་རྣམས་ཀྱི་རྣམ་པ་ནི་དེ་དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས་ནི་དེ་དག་ཡིན་ན།། སྦྲུལ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི།།
311b2 གང་དག་ཡིན། མཚན་མ་ནི་གང་དག་ཡིན། རྟགས་ནི་གང་དག་ཡིན་ཞེ་ན། སྨྲས་པ། སེམས་ཅན་གང་དག་ཤུགས་མྱུར་ཞིང་མགྱོགས་པ་དང་། རང་བཞིན་གྱིས་གཉིད་ཆེ་བ་དང་། རྒོད་བག
311b3 ཅན་དང་། ཁ་བུབ་ཏུ་ཉལ་བ་དང་། ཉལ་བ་ལ་རྟག་པ་དང་། ལྕེ་འབྱིན་པ་དང་། ལྕི་བ་ལྡག་པ་དང་། ཁྲོ་སྐྱེན་པ་དང་། འཇེབས་པར་འདུག་པ་དང་། ཤས་ཆེར་འདུག་པ་དང་། ཁོན་དུ་འཛིན་པ་དེ
311b4 དག་ནི། ཉེ་ཞིང་དུ་བས་ཉེ་བར་སྦྲུལ་དག་གི་ནང་ནས་ཤི་འཕོས་པ་ཡིན་ཏེ། སྦྲུལ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་དེ་དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས་ནི་དེ་དག
311b5 ཡིན་ནོ། ། བྱི་བ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་གང་དག་ཡིན། མཚན་མ་ནི་གང་དག་ཡིན་ཞེ་ན། སྨྲས་པ། སེམས་ཅན་གང་དག་ཤུགས་མྱུར་ཞིང་མགྱོགས་པ་དང་། སྤུ་རིང
311b6 བ་དང་། སྤུ་མང་བ་དང་། གནོད་པ་བྱེད་པ་དང་། འཚེ་བར་བྱེད་པ་དང་། ཁྱིམ་འབིགས་པ་དང་། མུན་པའི་ནང་དུ་དགའ་བ་དང་། ཁ་ཟས་མྱུར་བ་མྱུར་བར་ཟ་བ་དང་། ཁ་ཟས་ཉུང་ངུས་ཀྱང་ཆོག
311b7 པར་འཛིན་པ་དེ་དག་ནི། ཉེ་ཞིང་དུ་བས་ཉེ་བར་བྱི་བ་དག་གི་ནང་ནས་ཤི་འཕོས་པ་ཡིན་ཏེ། བྱི་བ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་དེ་དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས
iiif viewer powered by OpenSeadragon
