| e-texts navigator |
| Wylie |
310a1 བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེས་ཏེ། དེ་ནས་ཤི་འཕོས་ནས་གལ་ཏེ་མི་རྣམས་དང་སྐལ་བ་མཉམ་པར་ཁམས་འདིར་སྐྱེས་ནའང་ལས་ཀྱི།
310a2 ལྷག་མ་ལུས་པ་དེས་སྤུ་འཇམ་པར་གྱུར་ཏེ། རྒྱུ་དེས་ན་སྤུ་འཇམ་པར་གྱུར་ཏོ།། ཅིའི་ཕྱིར་དུག་དྲག་པར་གྱུར་ཅེ་ན། སྨྲས་པ། གནོད་སེམས་ཀྱི་ཤས་ཆེ་བའི་ཕྱིར་རོ།། གཞན་ཡང་སེམས་ཅན་གང
310a3 དག་དུག་དྲག་པོ་དེ་དག་གི་ནང་ནས་ཉེ་ཞིང་དུ་བས་ཉེ་བས་ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། སྦྲུལ་དང་། སྡིག་པ་དང་། སྦྲང་རྒོད་མདུང་གསུམ་པ་དང་། སྦྲང་རྒོད
310a4 མདུང་གསུམ་པ་ཆེན་པོ་དང་། སྲིན་གྱི་མ་ལ་སོགས་པ་སྟེ། རྒྱུ་དེས་ན་དུག་དྲག་པོར་འགྱུར་རོ།། ཅིའི་ཕྱིར་དུག་དྲག་པོར་མི་འགྱུར་ཞེ་ན། སྨྲས་པ། གནོད་སེམས་མེད་པའི་ཁམས་ཤས་ཆེ་བའི
310a5 ཕྱིར་རོ། ། གཞན་ཡང་སེམས་ཅན་གང་དག་དུག་དྲག་པོ་མ་ཡིན་པ་དེ་དག་གི་ནང་ནས་ཉེ་ཞིང་དུ་བས་ཉེ་བར་ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། དྲང་སྲོང་རྣམས་དང་། རབ་ཏུ
310a6 བྱུང་བ་རྣམས་དང་། ཁྱིམ་བདག་རྣམས་དང་། གཟུགས་དང་། གཟུགས་མེད་པ་ན་སྤྱོད་པའི་ལྷ་རྣམས་ཏེ། རྒྱུ་དེས་ན་དུག་དྲག་པོར་མི་འགྱུར་རོ།། ཅིའི་ཕྱིར་ཆུ་ན་གནས་པའི་སེམས་ཅན་རྣམས་དང
310a7 སྐལ་བ་མཉམ་པར་སྐྱེ་བར་འགྱུར་ཞེ་ན། སྨྲས་པ། སེམས་ཅན་གང་དག་སྐོམ་ཞིང་གདུངས་ལ་བསྐམས་ཏེ། ཆུ་འདོད་བཞིན་དུ་འཆི་བ་དེ་དག་ལུས་ཞིག་ནས་ཆུ་ན་གནས་པའི་སེམས་ཅན་རྣམས་དང
iiif viewer powered by OpenSeadragon
